Oblystyq polısııa departamenti baspasóz qyzmetiniń málimetinshe, oqıǵa 23 tamyzda saǵat 05:40 shamasynda Almaty-Bishkek tasjolynyń 92 shaqyrymynda bolǵan.
«Lada» kóliginiń 33 jastaǵy júrgizýshisi róldi basqara almaı, qarsy jolaqqa shyǵyp ketip, avtobýspen soqtyǵysqan. Jeńil kólik júrgizýshisi oqıǵa ornynda qaza tapty», delingen PD habarlamasynda.
Avtobýs júrgizýshisi Uzynaǵash aýylyndaǵy aýrýhanaǵa jatqyzyldy.
Qazirgi kezde atalǵan oqıǵa boıynsha QR Qylmystyq kodeksiniń 345-babynda kózdelgen sotqa deıingi tergeý bastaldy.
