Indýstrııa jáne ınfraqurylymdyq damý vıse-mınıstri Erkebulan Daýylbaev óziniń baıandamasynda qurylys salasynyń tıimdiligin arttyrý tetikterin ázirleý qorytyndylary boıynsha zańnamalyq túzetýler paketi daıyndalǵanyn atap ótti.
Osylaısha, jańa normalardy engizýdiń arqasynda shaǵyn jáne orta bıznestiń memlekettik satyp alýǵa qatysý múmkindikterin keńeıtý, zańsyz jáne ónimsiz qosalqy merdigerlerdiń, sondaı-aq biliktiligi joq lısenzıattardyń qyzmetin shekteý josparlanýda.
«Budan basqa, naryq sýbektilerine jer ýchaskelerin alý kezinde teń múmkindikter berý, úlestik qurylys salasyn jetildirý jáne búkil sala boıynsha laıyqty eńbekaqy tóleýdi qamtamasyz etý josparlanýda», delingen Úkimettiń baspasóz qyzmeti taratqan habarlamada.
Zańnamalyq túzetýlerdi qabyldaý qurylys kólemin birkelki bólýge, oryndalatyn jumystardyń sapasy men ashyqtyǵyn arttyrýǵa múmkindik beredi dep kútilýde.
Premer-Mınıstr usynylǵan jańa engizilimderdiń negizgi bóligin qoldap, múddeli memlekettik organdarǵa esepteýlerdi qajet etetin tustardy qosymsha pysyqtaýdy tapsyrdy.
