Esterińizge sala ketsek, Baiqonyr - Qazaqstannyń shyǵarmashyl jastaryn halyqaralyq deńgeıde ilgeriletýge turaqty qoldaý kórsetip kele jatqan elimizdegi alǵashqy qysqametrajdy halyqaralyq kınofestıval. Alty jyl ishinde Baiqonyr-ǵa 11 myńnan astam kórermen keldi, olar 240-tan astam fılmdi tamashalady. Irikteý komıssııasy 1168 ótinimdi qarady, al festıvaldiń qazylar alqasy 62 laýreatty marapattady. Festıvalde jeti jyl boıy otandyq kınematograftyń jańa esimderi anyqtalyp keledi.
Bıyl festıval osy jyldyń kópten kútken fılmderiniń biri - aty ańyzǵa aınalǵan «DOS-MUQASAN» ansambliniń qurylý tarıhyn baıandaıtyn «Dos-Muqasan» (rejısser Aıdyn Sahaman, «Aray Media Group» shyǵarǵan) fılminiń premerasymen ashylady. Al festıvaldiń jabylýynda Darejan О́mirbaevtyń «SOŃǴY SEANS» atty kartınasy kórsetiledi, onyń álemdik premerasy jaqynda ǵana shveısarııanyń Lokarno qalasynda ótken bedeldi kınofestıvalde kórsetildi.
Aldaǵy festıvaldiń baǵdarlamasy úsh konkýrstan turady – ulttyq (kórkem jáne derekti qysqa metrajdy fılmder), halyqaralyq (kórkem jáne derekti qysqa metrajdy fılmder) jáne anımasııalyq.
- Usynylǵan 306 kınojobanyń ishinen kınotanýshylar Erjan Jumabekov, Eńlik Egeýbaeva, Aqerke Qamashbek, rejısser Raıymbek Áljanov jáne rejısser-anımator Ivan Ardashovtan turatyn bizdiń baǵdarlamalyq qyzmet festıvalge qatysý úshin 48 jobany iriktep aldy. Sondaı-aq bıyl festıvalge Qyrǵyzstannan kelgen «Ekspedısııa» qozǵalysy qatysady. Bul qazirgi zamandastary, qarapaıym adamdar, olardyń problemalary men armandary týraly qysqa metrajdy fılmder túsiretin ártúrli rejısserler toby. Qozǵalysqa 50-ge jýyq jas rejısser qatysady, - deıdi kınofestıval Prezıdenti Ánýar Kenjebaev.
Dástúrli túrde Baiqonyr festıvaliniń uıymdastyrýshysy elimizdiń jetekshi kınoportaly – «Brodveı» (brod.kz). Festıvaldiń negizgi alańy – «Arman» kınoortalyǵy.
Festıval TMD-ǵa qatysýshy memleketterdiń Memleketaralyq gýmanıtarlyq yntymaqtastyq qorynyń qoldaýymen ótedi. Aqparattyq qoldaýdy «Kazakh Tourism» ulttyq kompanııasy» AQ kórsetedi.
Festıvaldiń aqparattyq seriktesteri «Habar» jáne El Arna telearnalary, «Juldyz FM» jáne «Eldoradıo Almaty» radıostansııalary, Tengrinews.kz, Massaget.kz, Baribar.kz, 365 Info.kz, «Ekspress K» ınternet portaldary, Egemen Qazaqstan, «Kazahstanskaıa pravda», Almaty Aqshamy, «Vechernıı Almaty» jáne «Komsomolskaıa pravda Kazahstan» basylymdary.
