Jyl saıyn ótkiziletin dástúrli aksııanyń basty maqsaty – kópbalaly jáne az qamtylǵan otbasylarǵa balalaryn 1 qyrkúıekke daıyndaýǵa kómektesý.
Atalǵan aksııaǵa partııanyń Ortalyq apparaty men aımaqtyq fılıaldarynyń qyzmetkerleri, partııa depýtattary men bastaýysh partııa uıymdarynyń músheleri qatysty.
Aksııa aıasynda el boıynsha 42 myńnan astam bala mektep formasymen, keńse taýarlary salynǵan rıýkzaktarmen qamtyldy.
«Balany mektepke daıarlaıyq!» qaıyrymdylyq aksııasy búgin aıaqtalyp otyr. Sonyń aıasynda barlyq óńirdegi partııa músheleri balalardy jańa oqý jylyna daıyndaýǵa atsalysty. Amanattyqtar 23 myńnan astam otbasynyń 42 myń oqýshysyn mektep formasymen, oqýlyqtarmen, rıýkzaktarmen jáne keńse taýarlarymen qamtamasyz etti. Bul Memleket basshysynyń áleýmettik qıyn jaǵdaıǵa tap bolǵan balalar men otbasylardy qoldaý jónindegi baǵyt-baǵdaryn júzege asyrýǵa «AMANAT» partııasynyń qosqan úlesi. «Balany mektepke daıarlaıyq!» aksııasy bul bir ret qana ótkiziletin is-shara emes. Qazaqstandyqtardyń ál-aýqatyn arttyrýǵa baǵyttalǵan partııanyń aýqymdy júıeli jumysynyń bir bóligi», dedi Erlan Qoshanov.
Aıta ketsek, «Baqytty otbasy» partııalyq jobasy aıasynda 2022 jyldyń birinshi jartyjyldyǵynda 13 myń adam jumysqa ornalassa, 37 myń otbasyna AÁK resimdeýge kómek kórsetilip, 49 myń otbasyna birjolǵy áleýmettik kómek tólengendi. Sondaı-aq 146 otbasy turǵyn úımen qamtamasyz etildi.
«AMANAT» partııasy óziniń saılaýaldy baǵdarlamasyn júzege asyrý aıasynda balalardyń bilim alýyna laıyqty jaǵdaı jasaý baǵytynda aýqymdy jumys atqarýda. Ol úshin 2022 jyldyń sońyna deıin 214,5 myń oryndyq 225 jańa mektep paıdalanýǵa beriledi. Jańa oqý jylynyń basynda 37 myń oryndyq 81 jańa mektep ashylýǵa daıyn.
«Balany mektepke daıarlaıyq!» aksııasyn el aýmaǵyndaǵy barlyq partııalyqtar qoldady. Máselen, Mańǵystaý oblystyq máslıhatyndaǵy «AMANAT» partııasynyń depýtaty Nájimeden Gýbashov Munaıly aýdanynyń 1000 oqýshysyna mektep formasy jıyntyǵyn, keńse taýarlary men rıýkzaktardy tabys etti.
«Halyqtyń áleýmettik osal tobynan shyqqan balalardyń oqýǵa bastar qadamy qýanyshqa toly bolýy úshin olardy mektepke daıarlap, jan-jaqty kómek kórsetý isinde árkim azamattyq belsendilik tanytatynyna senimidimin. Salaýatty, sátti ári baqytty ómir negizi balalyq shaqta qalandy. Balalardyń damýyna qoldaý kórsetý – qoǵamnyń basty maqsaty. Olar – gúldengen, táýelsiz memleketti qurýshylar», dedi ol.
Qaraǵandy óńirinde bes bala tárbıelep otyrǵan oblys ortalyǵynyń turǵyny Gúlnar Seıitomar partııalyqtardyń kómegin alǵan.
«Aksııa bastaý alǵan sátte birden «AMANAT» partııasyna kómek surap júgindim. Balalarymnyń barlyǵy mektep oqýshylary. Bul qoldaý men úshin úlken kómek boldy. Sebebi jańa oqý jyly bastalar tusta bári qymbattap ketti», dedi ol.
Shymkentte qalalyq máslıhattyń depýtaty, «AMANAT» fraksııasynyń múshesi Jadyra Tańatarova alty balany jalǵyz tárbıelep otyrǵan kópbalaly ana, II toptaǵy múgedek Nargıza Artyqqojaevaǵa bardy.
«Partııa kópbalaly otbasylarǵa kómek kórsetip, búldirshinderdiń ózin jaıly sezinýi, sabaqtan qalmaýy úshin teń jaǵdaı jasaýǵa tyrysatyny qýantady», dedi Nargız Artyqqojaeva alǵysyn bildirip.
Abaı oblysyndaǵy jergilikti partııalyqtar ıgi isten shet qalmaı, aksııaǵa belsendi túrde qatysty. Jaqynda oblystyq máslıhattaǵy «AMANAT» fraksııasynyń múshesi Ásemqan Dosqojanov maı ekstraksııalaıtyn zaýyt qyzmetkerleriniń balalaryna mektep formasyn tabystady.
«Meniń bes balam bar. Otbasymyzda tek kúıeýim ǵana jumys isteıdi. Sondyqtan partııadan kómek suradym. О́tinishim jerde qalǵan joq. Uıymdastyrýshylarǵa alǵysym sheksiz. Balalarymyzǵa sporttyq kıimder, oqý quraldary bar sómkeler syıǵa tartyldy. Mundaı kómekti kóp otbasy kórdi», dedi Semeı qalasynyń turǵyny Qarlyǵash Túsipova.
Aıta ketsek, «Balany mektepke daıarlaıyq!» qaıyrymdylyq aksııasy osymen 12 jyl qatarynan ótkizilip keledi.
