Taǵaıyndaý • 05 Qyrkúıek, 2022

Qaırat Qamzın Balqash qalasynyń ákimi bolyp taǵaıyndaldy

111 ret kórsetildi

Balqash qalasynyń ákimi bolyp buǵan deıin Qaraǵandy oblystyq  qurylys, sáýlet jáne qala qurylysy basqarmasynyń basshysy qyzmetin atqarǵan Qaırat Qamzın taǵaıyndaldy, dep jazady Egemen.kz oblys ákiminiń baspasóz qyzmetine silteme jasap.

О́ńir basshysy Jeńis Qasymbektiń Balqash qalalyq máslıhatynyń kezekten tys sessııasynda usynǵan jańa ákimniń kandıdatýrasyn jergilikti depýtattar biraýyzdan maquldady.

Qaırat Amangeldiuly Qamzın 1976 jyly dúnıege kelgen. Eki joǵary bilimi bar: 1998 jyly Qaraǵandy memlekettik tehnıkalyq ýnıversıtetin «Mashına qurylys tehnologııasy» mamandyǵy jáne 2009 jyly Qaraǵandynyń «Bolashaq» ýnıversıtetin «Qarjy» mamandyǵy boıynsha támamdady.

Memlekettik qyzmette 2005 jyldan beri jumys istep keledi. Túrli laýazymdardy atqarǵan: Tehnıkalyq retteý jáne metrologııa komıtetiniń Qaraǵandy oblysy boıynsha basqarmasynyń jetekshi mamany, keıin Qaraǵandy qalasynyń Qazybek bı atyndaǵy aýdan ákimi apparatynyń uıymdastyrý jáne kadr jumysy bóliminiń bas mamany boldy.

2007-2010 jyldary Tabıǵı monopolııalardy retteý agenttiginiń Qaraǵandy oblysy boıynsha departamentiniń bas mamany, bólim bastyǵy bolyp jumys istedi.

2010-2012 jyldar aralyǵynda oblystyq Energetıka jáne turǵyn úı-kommýnaldyq sharýashylyq basqarmasy bastyǵynyń orynbasary qyzmetin atqardy.

2012 jyldyń jeltoqsan aıynan 2021 jyldyń naýryz aıyna deıin Prıozersk qalasynyń ákimi boldy.

2021-2022 jyldary Qaraǵandy oblystyq Memlekettik sáýlet-qurylys baqylaý basqarmasynyń basshysy – Qaraǵandy oblysynyń bas memlekettik qurylys ınspektory bolyp qyzmet etti.

Osy taǵaıyndaýǵa deıin ol Qaraǵandy oblystyq  qurylys, sáýlet jáne qala qurylysy basqarmasynyń basshysy qyzmetin atqaryp keldi.

Al qalanyń burynǵy ákimi Oraz Táýirbekov basqa jumysqa aýysýyna baılanysty qyzmetinen bosatyldy.

Sońǵy jańalyqtar

Astana qalasynyń ákimi aýysty

Taǵaıyndaý • Keshe

Uqsas jańalyqtar