Finprom sarapshylary 2022 jylǵy qańtar-shildede bilim berý salasyndaǵy negizgi kapıtalǵa ınvestısııalar 148,9 mlrd teńgege jetkenin habarlady. Aqshalaı mánde bul bir jyl burynǵyǵa qaraǵanda 79,2%-ǵa artyq. Naqty kólem ósimi 74,8%-dy qurady. Aıta ketsek, 2021 jyldyń uqsas kezeńinde sektorda kúrdeli salymdar 83,1 mlrd teńgeni qurady, bul jylyna mınýs 18%.
О́ńirlik bóliniste ınvestısııalardyń eń kóp kólemi Almatyǵa tıesili - 46 mlrd teńge nemese 30,9%, jyldyq ósim - 2,3 ese.
Úzik úshtiktiń quramyna Túrkistan oblysy (19,3 mlrd tg, oǵan qosa jylyna 60,8%) jáne Shymkent (19 mlrd tg, jyldyq ósim - 2,8 ese) kirdi. Kóshbasshy óńirlerdiń úshtigine sektordaǵy barlyq kúrdeli salymdardyń 56,6%-y tıesili boldy.
«Bilim berý salasyndaǵy kúrdeli salymdardyń 63,8%-y jergilikti bıýdjetter esebinen qamtamasyz etildi: 95 mlrd teńge - bir jyl burynǵyǵa qaraǵanda birden 76,2%-ǵa artyq. Kásiporyndardyń óz qarajaty esebinen 30,8 mlrd teńge salyndy, jyldyq ósim - 2,1 ese. Respýblıkalyq bıýdjetten 15,5 mlrd teńge bólindi. Bank nesıelerine 6,4 mlrd teńge, banktik emes qaryz qarajattaryna – 1,1 mlrd teńge boldy», deıdi sarapshylar.
Bıyl ınvestısııalar kóleminiń aıtarlyqtaı ósýine qaramastan, eldegi birqatar mektepter jańa oqý jylyna daıyn bolmady. Máselen, Pavlodarda 46 oqý ornynyń 11-inde ǵana jóndeý jumystary aıaqtaldy. Oqýshylar boıaýdyń, shańnyń ıisine shaǵymdanady.
