«Jetisý oblysy ákiminiń ókimimen Ádil Almas Qabdýluly Tekeli qalasynyń ákimi bolyp taǵaıyndaldy», dep habarlady oblys ákimdiginiń baspasóz qyzmeti.
Almas Ádil 1980 jyly dúnıege kelgen. Ál-Farabı atyndaǵy Qazaq ulttyq ýnıversıtetin «ıýrısprýdensııa» mamandyǵy boıynsha bitirgen.
Eńbek jolyn «Qaınar» AQ zańgeri bolyp bastaǵan. Osy jyldar ishinde Taldyqorǵan qalasyndaǵy Qazaqstan Respýblıkasy Ulttyq Banki jáne Kazkommersbank fılıaldarynda zańger-keńesshi, «Tanıkeeva M.A.» JK dırektory, bas maman, bólim meńgerýshisi, qala ákimshiliginiń basshysy qyzmetterin atqardy. Taldyqorǵan qalasy ákiminiń orynbasary, oblystyq kásipkerlik jáne ındýstrııalyq-ınnovasııalyq damý basqarmasy basshysynyń orynbasary qyzmetin atqarǵan.
2016 jyldyń shilde aıynan beri Kóksý aýdanynyń ákimi.
Ákimdiktiń habarlaýynsha, Tekeli qalasynyń burynǵy ákimi Moldahmetov Batyr Qaıyrkenuly óz ótinishi boıynsha qyzmetinen bosatyldy. Ol bul qyzmetti 2020 jyldyń qyrkúıeginen beri atqaryp keledi.
