Qoǵam • 06 Qyrkúıek, 2022

Qaraǵandy qolushyn sozdy

33 ret kórsetildi

Qostanaı oblysyndaǵy alapat órtten zardap shekken otandastarymyzdyń aýyr jaǵdaıy qaraǵandylyq qaıyrymdy jandardy beıjaı qaldyrmady. Munyń naqty dáleli retinde oblystyń barlyq qalalary men aýdandarynda ot apatynyń izinshe shuǵyl túrde gýmanıtarlyq kómek jınaý beketteriniń ashylǵanyn aıtýǵa bolady. Atalǵan is-sharany Amanat partııasynyń Qaraǵandy oblystyq fılıaly uıymdastyrdy.

Al bul ıgi istiń bel ortasynan tabylyp, belsendiligimen kózge túsken «Jastar Rýhy» Qaraǵandy oblystyq fılıalynyń órenderi boldy. Uıym tóraǵasy Erjan Hamıtov beketter ashylǵan bette, alǵashqy kómektiń kelip jetkenin aıtady.

«Biz tańǵy saǵat 9.00-de qa­byl­daý pýnktterin ashtyq, al 10.00-de alǵashqy kómek kelip tústi. Armıan dıasporasynyń ókilderi arnaıy qurylǵan esepshotqa mıllıon teńge aýdardy. Qazaqstannyń eńbek sińirgen qaıratkeri, Amanat partııasynyń belsendisi Merýesh Bashaı zardap shekken qostanaılyqtarǵa kıim alyp berýge 500 myń teńge berdi. Bizdiń oblysta qaıyrymdy turǵyndar óte kóp. Adamdar qajetti zattardy ákelip jatyr, aqsha aýdaryp, qoldarynan kelgen kómekten aıanyp jatqan joq», deıdi ol.

Osy oraıda aǵylyp kelip jat­qan aqshalaı, zattaı kómekti qabyl­dap alýdyń, olardy suryptaý­dyń ózi ońaı sharýa emes ekenin aıta ketken jón. Sol sebepti «Jas­tar Rýhy» jastar qanatynyń erik­tileri qatarynan 30-ǵa jýyq adam­nan turatyn top quryldy. Olar azyq-túlik pen qajetti zattar­dy satyp alýmen jáne basqa da qar­balas sharýalarmen aınalysýda.

Al keshe oblystyń barlyq óńir­lerden jınalǵan kómek Qaraǵan­dyǵa jetkizilip, zattar Amanat partııasynyń oblystyq fılıaly ornalasqan ǵımaratta suryptaldy. Sodan keıin gýmanıtarlyq kómek júk kólikterine tıelip, Qostanaı oblysyna jóneltildi.

«Qostanaıǵa – kómek!» atty ak­sııany uıymdastyrǵan Ama­nat par­tııasynyń Qaraǵandy ob­lystyq fılıaly ekenin joǵaryda aıttyq. Bólimsheniń atqarýshy hatshysy Bekzat Altynbe­kovtiń bul qaıy­rym­dylyq is-sha­rasyna qaraǵan­dylyq kásip­ker­lerdiń, qaıyrym­dy jandar­dyń belsene at salys­qanyn rıza­shylyqpen atap ótti.

«Qysqa ǵana ýaqyt ishinde 10 tonnadan astam azyq-túlik jınal­dy. Kıim-keshek, basqa da asa qajetti turmystyq zattar óz aldyna taý bolyp úıildi. Ásirese bul iste belgili kásipkerler Ánýar Osın, Alek­sandr, Kýprıenko, Artýr Novo­sardıan jáne Merýesh Bashaı sııaq­ty basqa da azamattar kózge tústi. Sonymen qatar iri kásip­ker, «Shans» sharýa qojaly­ǵynyń basshysy Igor Jabıak 15 tonna kartop bólip, jomarttyq tanytty», deıdi B.Altynbekov.

 

Qaraǵandy oblysy

Sońǵy jańalyqtar

Astana qalasynyń ákimi aýysty

Taǵaıyndaý • Keshe

Uqsas jańalyqtar