Aımaqtar • 08 Qyrkúıek, 2022

Aýyl oqýshylaryn avtobýs tasıdy

69 ret kórsetildi

Aýyl mektepterine avtobýstar kerek-aq. Sebebi óńirde mektebi joq eldi mekenderden qatynap oqıtyn balalar bar. Osy másele Qaraǵandy oblysynda birtalaı ýaqyttan beri aıtylyp kelgen edi. Endi mine, bul problema da sheshimin tapqan syńaıly.

Naqtyraq aıtqanda, bıyl qyrkúıek aıynyń sońyna de­ıin oblystaǵy aýyl mektepterin­de jańa avtobýstar paıda bol­maqshy. Al osy aıdyń 15-ine deıin Abaı, Buqar jyraý já­ne Qarqaraly aýdandarynyń ­mek­tepteri alǵashqylardyń biri bolyp tasymal kóligine ıelik etedi.

Qaraǵandy oblystyq Bi­lim basqarmasynyń basshysy Gúl­sim Qojahmetova Oqý-aǵartý mınıstrliginiń elimizdegi mektep avtoparkin jańartý jó­nindegi respýblıkalyq jobasy aıasynda lızıngtik qar­jy­landyrý esebinen 27 avtobýs satyp alý jobasynyń iske asqa­nyn málim etti.

–  Osy maqsatta «О́nerká­sip­­ti damytý qory» AQ men «Hyun­dai Trans Auto» JShS jáne «QazTehna» JShS jet­kizý­shi­leri arasynda kelisimsharttar jasaldy, – dedi oblystyń bas muǵalimi.

Taıaýda Qaraǵandy oblys­tyq bilim basqarmasynyń bas­shylyǵy arnaıy kólik qa­byl­daýdyń alǵashqy akti­lerine qol qoıdy. Tıisti qujat­tardy resimdeý boıynsha ju­mystar bastalyp ketti.

Birden aıta ketý kerek, oqý­shylardy tasýǵa arnalǵan jańa avtobýstar zamanaýı talaptar­ǵa tolyq jaýap beredi. Olar qaýipsizdik beldikterimen, mektep rıýkzaktaryna arnalǵan sórelermen, esik ashyq bolǵan kezinde qozǵalysty buǵattaý mehanızmimen jáne saǵatyna 60 shaqyrym jyldamdyq shek­tegishpen jabdyqtalǵan.

– Sonymen qatar avtobýs­tarda múmkindigi shekteýli bala­larǵa arnalǵan arnaıy oryn­dyqtar da bar. Munyń bar­ly­ǵy balalardy mektepke jáne úılerine qaýipsiz tasymaldaý­dy qamtamasyz etedi, – deıdi G.Qojahmetova.

Atap ótetin taǵy bir jaıt, oblys boıynsha bıylǵy oqý jylynda mektebi joq, shalǵaıda ornalasqan 121 eldi mekenniń 1 628 oqýshysy bilim berý nysandaryna kún saıyn jáne apta saıyn tasymaldaýmen qam­tamasyz etilgen.

 

Qaraǵandy oblysy

Sońǵy jańalyqtar

Koronavırýstyń «Serber» shtamy tez juǵady

Koronavırýs • Búgin, 13:32

Ulytaý oblysynyń ákimi taǵaıyndaldy

Taǵaıyndaý • Búgin, 11:50

Batys Qazaqstan oblysynyń ákimi taǵaıyndaldy

Taǵaıyndaý • Búgin, 11:06

Japonııa quramasy Ispanııany jeńdi

Fýtbol • Búgin, 10:33

Almaty mańynda jer silkindi

Aımaqtar • Búgin, 10:02

Jas tennısshilermen kezdesý

Tennıs • Búgin, 07:47

Italııalyq legıonermen tolyqty

Sport • Búgin, 07:45

Jas ǵalymnyń jetistigi

Ǵylym • Búgin, 07:43

Sıfrlyq teńge qoldanysqa enedi

Qarjy • Búgin, 07:41

Bıznesti jarylqaıtyn baǵdarlama

Bıznes • Búgin, 07:40

Reseıden soń Fransııaǵa keldi

Álem • Búgin, 07:34

Uqsas jańalyqtar