Elektr qýatyn óndirý arzan, al tutynýshyǵa jetkende baǵasy nege aspandap ketedi?

ASTANA. 14 mamyr. Májilistiń búgingi jalpy otyrysynda osy máseleni kótergen zań jobasy birinshi oqylymda qaralyp, qyzý talqylandy. Bul týraly egemen.kz tilshisi habarlady. Máselen, depýtat R.Shaekın búgingi kúni elektr qýatyn óndiretin kásiporyndar 1 kvt-saǵatty 8 teńgeden óndirse, ol tutynýshyǵa jetkende 20 teńgege deıin bir-aq sekiretinin aıtty. Osyǵan baılanysty ol qymbattaýdyń sebepterin ashyp berdi. Biz elektr qýatyn tasymaldaıtyndardyń tarıfin  monopolııaǵa qarsy kúres týraly zańmen shekten shyǵarmaımyz. Alaıda, elektr qýatymen jabdyqtaıtyn kásiporyndardyń 80 paıyzdyq áreketin atalmysh zańmen retteı almaı otyrmyz. Sondyqtan olar, sonyń ishinde, «Astanaenergosbyt» JShS 2012 jyly 344 mln., al 2013 jyldyń alǵashqy jartysynda 1 mlrd. 43 mln. teńge zańsyz tabys tapqan, deı kelip depýtat osynyń bári atalmysh kásiporyndardyń múddesine lobbı jasaýdyń kesirinen 8 jylǵa sozylyp otyrǵanyn aıtty. Al depýtat Sh.О́temisov qýat óndiretin jáne tasymaldaıtyn uıymdarǵa ýaqytsha basqarý ınstıtýtyn engizý týraly normanyń túp ornymen qate ekenin dáleldep berdi. Sondaı-aq, ol zań jobasynyń normalary bıznes-qaýymdastyqtyń sarap qorytyndysyn almaı engizilgenin synady. Zań jobasy ekinshi oqylymǵa usynylǵanda atalǵan syndar túzetiler degen úmitpen depýtattar ony biraýyzdan maquldady. Jaqsybaı Samrat. Derekkóz: egemen.kz. Foto: zangazeti.kz.