Tekserý syrtqy ekonomıkalyq qyzmettiń (budan ári – SEQ) jekelegen qatysýshylary Qytaı Halyq Respýblıkasynan taýarlardy ákelý naryǵyn monopolııalandyryp alǵanyn kórsetti.
«Olardyń árqaısysy belgili bir taýarlarǵa (aıaq kıim, kıim, qosalqy bólshekter, tehnıka, jemister, kókónister jáne t.b.) mamandanyp, eldiń naqty aımaqtaryn óz arasynda bólgen.
Kedendik tólemderdi tóleýden jaltarý úshin ımporttaýshylar toby 2019-2021 jyldary Qazaqstan Respýblıkasyndaǵy Kedendik retteý týraly kodekstiń talaptaryn buza otyryp, ákelinetin taýarlardyń qunyn júıeli túrde tómendetip otyrǵan», delingen baspasóz habarlamasynda.
Bas prokýratýranyń usynýy boıynsha Memlekettik kirister komıteti 10 kompanııaǵa 107 mlrd teńge somaǵa kedendik tólemder men salyqtardy qosymsha esepteý týraly habarlama berdi.
Sonymen qatar anyqtalǵan buzýshylyqtar boıynsha Qylmystyq kodekstiń 236-baby – kedendik tólemder men salyqtardy tóleýden jaltarý boıynsha sotqa deıingi tergep-tekserý bastaldy.
«Búgingi tańda SEQ-tyń 7 qatysýshysy («Tex Alliance», «Almobi Group», «Ehrgeѕѕ Keden Servıs», «Group of the companies TDA», «Ai-To Progress», «Global Logistics Ved» jáne «TL NIKA keden» JShS) qabyldanǵan sharalardyń nátıjesinde bıýdjetke 21 mlrd teńge qaıtardy.
Qalǵan qosa eseptelgen somalardy óndirip alý, onyń ishinde atalǵan kompanııalardyń kepildik múlki esebi arqyly jalǵasýda», delingen habarlamada.
