Hokkeı. Álem chempıonaty. Tórtinshi týr bastaldy

ASTANA. 14 mamyr. Búgin Mınskide ótip jatqan álem chempıonaty tórtinshi týrynyń oıyndaryna kezek berildi. Bul týraly Chempıonat.Rý habarlady. Aldymen 12 mamyr kúni túnde aıaqtalǵan sońǵy eki match týraly málimet bere keteıik. Olarda Kanada Chehııany 4:3 etip utsa, Reseı AQSh-ty 6:1 esebimen talqandap shyqty. Al 13 mamyr kúni 3 týrdyń sońǵy 4 oıyny oınaldy. Olar mynada nátıjeler ákeldi: Italııa – Danııa 1:4, Germanııa – Fınlıandııa 0:4, Norvegııa – Shvesııa 1:2, Qazaqstan – Latvııa 4:5. Qazaqstan quramasynyń Latvııamen oıyny asa tartysty ótti. Birinshi kezeńde bizdiń komanda 2:1 esebimen alǵa shyqty. Bizden shaıbalardy Jaılaýov pen Rymarev salsa, latyshtardan Indrashıs erledi. Al ekinshi kezeńde Latvııa hokkeıshileri basym boldy – 3:2. Sonymen, jalpy esep 4:4-ke jetti. Latyshtar ózderiniń úsh shaıbasyn aldymen saldy (Kýlda – 2, Redlıh – 1). Sońynan Antropov pen Blohın eki shaıbanyń qarymtasyn qaıtardy. Bárin úshinshi kezeńniń basynda Shtals salǵan gol sheship ketti. Búgin chempıonatta tórtinshi týrdyń oıyndary bastaldy. Ázirge eki oıynnyń nátıjesi belgili. Chehtar ıtalıandardy 2:0 etip jeńse, Shveısarııa Germanııadan 3:2 esebimen basym tústi. Al túnde Slovakııa – Norvegııa, Reseı – Qazaqstan arasynda ótedi. Erteń 4 týrdyń qalǵan oıyndary Kanada – Danııa, AQSh – Latvııa, Shvesııa – Fransııa, Fınlıandııa – Belarýs arasynda oınalady. Damır Qojamqul. Derekkóz: Chempıonat.Rý. Foto: Chempıonat.Rý.