Zań jobasy eksporttyq-kredıttik agenttiktiń quqyqtyq jaǵdaıyn, qyzmet tártibin, maqsattaryn, mindetteri men ókilettikterin, onyń memlekettik organdarmen, kásipkerlik sýbektilerimen otandyq shıkizattyq emes taýarlardyń (jumystardyń, kórsetiletin qyzmetterdiń) eksportyn damytý jáne ilgeriletý salasyndaǵy ózara is-qımyl tártibin aıqyndaıdy.
Eksporttyq-kredıttik agenttiktiń mindetterine mynalar kiredi:
- otandyq eksporttaýshylar men sheteldik satyp alýshylar jasasatyn eksporttyq mámilelerdi erikti saqtandyrý arqyly shıkizattyq emes taýarlardyń (jumystardyń, kórsetiletin qyzmetterdiń) eksportyn yntalandyrý;
- otandyq eksporttaýshylardy jáne olardyń shıkizattyq emes taýarlaryn satyp alatyn sheteldik satyp alýshylardy qarjylandyrý kezinde Ekinshi deńgeıdegi bankterdiń jáne qarjy uıymdarynyń, Qazaqstannyń Damý Bankiniń, ónerkásipti damytý qorynyń táýekelderin saqtandyrý arqyly eksportty qarjylandyrýdy qamtamasyz etý;
- otandyq eksporttaýshylardy qarjylyq qoldaýdy keńeıtý úshin erikti saqtandyrý sharttary boıynsha táýekelderdi qazaqstandyq jáne sheteldik saqtandyrý (qaıta saqtandyrý) uıymdaryna, ózge de eksporttyq-kredıttik agenttikterge qabyldap, qaıta saqtandyrýǵa berý;
- otandyq eksporttaýshylarǵa, sondaı-aq olardyń múddelerinde ımporttaýshylarǵa nemese qarjy uıymdaryna, sheteldik kontragentterge, shıkizattyq emes taýarlardyń tapsyrys berýshilerine eksporttyq mámileler boıynsha kepildikter berý;
- eksport aldyndaǵy jáne eksporttyq saýdalyq qarjylandyrý maqsattary úshin ekinshi deńgeıdegi bankterde, qarjy ınstıtýttarynda shartty túrde aqsha ornalastyrý arqyly shıkizattyq emes taýarlardyń eksportyn yntalandyrý;
- ınvestısııalaý eliniń aýmaǵynda ınvestısııalyq salymdardy júzege asyratyn QR rezıdentteriniń ınvestısııalaryn saqtandyrý;
- otandyq eksporttaýshylardyń básekege qabilettiligin arttyrý úshin shıkizattyq emes taýarlardy eksportqa jyljytýda olarǵa servıstik-aqparattyq qoldaý kórsetý;
- respýblıka ekonomıkasynyń turaqty damýyna yqpal etetin ónerkásiptik-ınnovasııalyq jobalardy iske asyrýǵa qatysý jáne basqa da mindetter.
Bul rette eksporttyq-kredıttik agenttiktiń kelesi fýnksııalary bolady:
- syrtqy naryqtarǵa taldaý júrgizý;
- eksporttyq kredıtterdi jáne ınvestısııalardy, sondaı-aq shıkizattyq emes taýarlardyń eksportyn qarjylandyrýǵa baılanysty ózge de mámilelerdi erikti saqtandyrý jáne qaıta saqtandyrý;
- eksport aldyndaǵy jáne eksporttyq saýdany qarjylandyrýdy qamtamasyz etý;
- Ekinshi deńgeıdegi bankter, Qazaqstannyń Damý banki, lızıngtik qyzmetti júzege asyratyn ózge de zańdy tulǵalar óńdeýshi ónerkásiptiń otandyq joǵary tehnologııalyq taýarlary men kórsetiletin qyzmetterin sheteldik satyp alýshylarǵa beretin kredıtter jáne olar jasaıtyn lızıngtik mámileler boıynsha syıaqy mólsherlemesin sýbsıdııalaý kezinde qarjy agentiniń fýnksııalaryn oryndaý;
- eksporttyq mámilelerdi oryndaý sheńberinde kepildik berý;
- otandyq shıkizattyq emes taýarlardy syrtqy naryqtarǵa jyljytý máseleleri boıynsha otandyq, sheteldik jáne halyqaralyq uıymdarmen ózara is-qımyl jasaý;
- kásipkerlik sýbektilerine shıkizattyq emes taýarlardy eksportqa jyljytýda servıstik-aqparattyq qoldaý kórsetý;
- sheteldik ókilder, ókildikter arqyly otandyq shıkizattyq emes taýarlardy sheteldik satyp alýshylardy izdeý jáne tartý;
- eksporttaýshylarǵa sheteldik kontragenttermen daýlardy retteý boıynsha qyzmetter kórsetý.
Zań jobasynda eksporttyq-kredıttik agenttikke kásipkerlik qyzmet retinde mámilelerdi júzege asyrýǵa jáne operasııalardy júrgizýge tyıym salynady.
Qujat 22 qyrkúıekke deıin Ashyq NQA saıtynda jarııa talqylaý úshin ornalastyrylǵan.
