«Dármek» jedel aldyn alý is-sharasy barysynda polısııa qyzmetkerleri QR QK 297-baby «Esirtki zattardy, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý» boıynsha qylmystyń 5 faktisin jáne 296-baby «Esirtki zattarymen zańsyz jumys isteý, esirtki zattaryn zańsyz paıdalaný» boıynsha 2 faktini anyqtady.
Máselen, Qaraǵandyda oblystyq PD ÝPN qyzmetkerleri 38 jastaǵy er adamdy ustady. Onyń ózine tán ıisi bar aq tústi untaq zat salynǵan túıirshik tárkilendi. Sarapshylardyń qorytyndysyna sáıkes zertteýge usynylǵan zat jalpy salmaǵy 121,24 gr mefedron ekeni anyqtaldy.
Atalǵan derek QR QK 296-baby boıynsha SDTBT-de tirkeldi. Qazirgi ýaqytta sotqa deıingi tergeý amaldary júrgizilýde.
Sondaı-aq quqyq qorǵaý organdary ákimshilik quqyq buzýshylyqtardy anyqtaý boıynsha is-sharalar keshenin júrgizdi.
QR ÁQBtK-niń 427-baby «Esirtki quraldary, psıhotroptyq zattar, prekýrsorlar aınalymy salasyndaǵy obektiler men úı-jaılardyń tehnıkalyq nyǵaıtylý talaptaryn buzý» boıynsha 5 quqyq buzýshylyq, QR ÁQBtK-niń «Lısenzııalaý normalaryn buzý» boıynsha 1 quqyq buzýshylyq anyqtaldy.
Júrgizilgen is-sharalar barysynda Balqash PB OPN qyzmetkerleri ónerkásip obektileriniń birin tekserýdi júzege asyrdy. Onda qoldanystaǵy lısenzııasyz prekýrsorlarmen jumys júrgizilgeni anyqtaldy. Nátıjesinde jalpy salmaǵy 8 keli prekýrsor tárkilendi. QR ÁQBtK-niń 464-baby boıynsha materıal qurastyryldy.
Sondaı-aq oblystyq PD qyzmetkerleri dárilik zattardy dárigerlik reseptsiz satýdyń 8 faktisin anyqtady. Osylaısha, tramadol men tropıkamıd preparattarynyń 100-den astam danasy tárkilendi.
9 qyrkúıekte Temirtaý ÝP qyzmetkerleri zańsyz medısınalyq jáne farmasevtıkalyq qyzmetpen aınalysqan 28 jastaǵy qala turǵynyn áshkereledi. Er adamnan 10 dana tramadol men 10 ampýla tropıkamıd tárkilendi. Anyqtalǵan ákimshilik faktiler boıynsha materıaldar Densaýlyq saqtaý mınıstrligi Medısınalyq jáne farmasevtıkalyq baqylaý komıtetiniń Qaraǵandy oblysy boıynsha departamentine joldandy.
