Eldiń Tótenshe jaǵdaılar departamentiniń málimetinshe, seısenbi kúngi esep boıynsha qaza tapqandar arasynda 18 bala men 10 áıel bar.
«Pákistannyń ońtústigindegi eń qatty zardap shekken Sınd provınsııasynda 44 adam qaza tapty. Odan keıin eldiń ońtústik-batysyndaǵy Belýdjıstan provınsııasy tur, onda segiz adam qaza taýyp, alty adam jaralandy», delingen habarlamada.
Sondaı-aq 4453 úı qırap, 24 869 bas mal qyrylǵan.
NDMA-nyń sońǵy málimetterine sáıkes, Pákistanda sý tasqynynan qaza tapqandardyń jalpy sany 1481-ge jetken, 12 748 adam zardap shekken. Sonymen qatar 1 755 281 úı qırap, shamamen 908 137 mal qyrylǵan. 179 281 adam qutqarylyp, qazir 541 134 adam lagerlerde turyp jatyr.
Sý tasqynynan zardap shekken aımaqtarda izdeý-qutqarý jumystary jalǵasýda. Olarǵa NDMA, basqa da memlekettik organdar, volonterler jáne úkimettik emes uıymdar kómektesip jatyr.
