Fotogalereıa • 15 Qyrkúıek, 2022

Ýchaskelik ınspektorlardyń bir túni

239 ret kórsetildi

Ýchaskelik polısııa qyzmetkerleriniń jumystary dál mundaı qyzyqty, ári qaýipti bolar dep oılamappyn. Jýyqta Ertis polısııa bóliminiń ınspektorlarymen túngi kezekke tústik. Forma kıip, ıyqqa pogon taqtyq. 

Aldymen Ertis polısııa bólimi bastyǵynyń birinshi orynbasary, maıor Bolatjan Rahımjanov ýchaskelik ınspektorlardyń mindeti men qyzmeti týraly qysqasha túsinik berdi. 

– Ásirese, otbasylyq kıkiljińderge kóp shaqyrady. Al, qylmystyq isterge biz barmaımyz. Máselen, páterdi sý bassa, otbasylyq urys-tóbeles bolsa, oqıǵa ornyna biz jetemiz. Keıbir jaǵdaıda, psıhıkalyq dıspanserde tirkeýde turǵan azamattar tártipsizdik jasaıdy. Ondaı bolsa, №20 brıgadany shaqyryp, dıspanserge jóneltemiz. Eger de, otbasylyq kıkiljiń oryn alyp, eki taraptyń birine ortasha jaraqat túsirse, qylmystyq kodekstiń 107 babyna sáıkes basqa top aınalysady. Qysqasy, jumystyń qyzyǵy men shyjyǵy kóp, – dedi polısııa maıory B.Rahımjanov.   

Kabınetten shyǵyp bara jatqanymyzda: – Jaraqat túsip qalmasyn, baıqap júrińizder, – dep jáne saqtandyryp qoıdy basshynyń orynbasary. 

Soǵan qaraǵanda, tentekterdi tezge salý polısııa qyzmetkeri úshin de ońaı emesteı kórindi. Mindetimiz – keshki segizden tańǵy segizge deıin Ertis polısııa bólimine qarasty aýmaqtaǵy shaqyrtýlarǵa barý. №220 ekıpaj. Eki ýchaskelik polısııa, bir júrgizýshi. Iske kirisip kettik.

«Juma nemese senbi emes, shaqyrtýlar túser me eken» degenimshe bolǵan joq, Býrov kóshesine shaqyrtý tústi. Aldyn ala habarlaǵandaı, adam qaıtys bolǵan eken. Ushyp jetsek, ýchaskelik polısııa ınspektory baryp, tıisti hattamany toltyryp qoıypty. Mundaı jaǵdaıda, aldymen polısııa qyzmetkerleri máıitte eshqandaı jaraqattyń joǵyna kóz jetkizedi, týystarymen tildesedi. Eger azamat óz ólimimen qaıtqan bolsa, jedel járdem kelip, máıithanaǵa jóneltedi. 

 d

Ekinshi shaqyrtý A.Chehov kóshesine tústi. Barsaq, 50 jastaǵy áıel azamatshanyń uıaly telefonyna «polısııadan» dep belgisiz bireýler habarlasqanyn aıtyp shaǵymdandy. Qońyraý shalǵandar G. esimdi azamatshanyń atyna nesıe rásimdemek bolǵanyn eskertip, kartasyn bloktaý kerek degen kórinedi. Abyroı bolǵanda, azamatsha olarǵa eshqandaı kod aıtpaǵan. Osyndaı qońyraýlar jıi túse bastaǵan soń polısııa kómegine júginýge májbúr bolǵan. Shaqyrtýyna jedel jetken jergilikti polısııa ınspektorlary Qýanysh Aıbekuly men Eldar Serikuly mundaı qońyraýǵa meıilinshe jaýap bermeý kerektigin aıtyp túsindirdi. Jaýap bergen jaǵdaıda da, qysqa ǵana sóılesken jón.

d

Inspektorlardyń aıtýynsha, jumys kúnderi 70-ke jýyq shaqyrtýlarǵa barady eken. Al, juma, senbide júzden astam azamattardyń shaǵymyna qulaq asady. Baıqaımyn, halyq bolmashy dúnıege de polısııa shaqyratyn kórinedi. Ár shaqyrtýǵa ınspektorlar hattama toltyrady nemese raport jazady. Soǵan qaraǵanda, qaǵaz ben qalam shaq kelmeıtin sekildi. 

Úshinshi shaqyrtý qalanyń irgesindegi «Leshoz» shaǵyn aýdanyna tústi. Áıel azamatshany kórshisi soǵyp jibergen kórinedi. Anyq-qanyǵyna barǵan soń kóz jetedi.

...Polıseılerdiń rasııalarynda byj-byj etip, maza joq. «Leshoz» shaǵyn aýdanynyń ortalyq kóshesindegi shamy jarqyrap turǵan dúken aldyna toqtadyq. Jábirlenýshi azamatsha ózi keldi. Jazǵan aryzyna kóz salsaq, burynǵy kúıeýiniń áıeli soqqyǵa jyǵypty. Mán-jaıdy anyqtap, túsindirý jumystaryn júrgizý úshin kúıeýiniń úıine bettedik. Qatar kóshede turady eken. Tún ishinde esigin qaǵyp júrip oıattyq. Sóıtsek, kúdikke ilingen áıel aryzdanýshyny bul kúni múldem kórmegenin aıtty. Jaza bersek, shym-shytyryq oqıǵa. Polıseıler qos tarapqa da túsindirý sharalaryn júrgizdi. Onyń ústine, bul otbasylar burynnan beri 102 arnasyna jıi qońyraý shalatyn sekildi.

Aıtqandaı, tórtinshi, besinshi shaqyrtýlarǵa toqtaýsyz bara berdik. Tún aýa sanynan jańyldyq. Ýchaskelik ınspektorlar birine hattama toltyrsa, endi bir jaǵdaıda raport jazyp úlgerip júr. Jumystary qarbalas. Mingen kólikterinde de, ózderinde de damyldaýǵa mursha joq. Kezekti shaqyrtýdan soń kelesi mekenjaıǵa asyǵa shyǵyp bara jattyq...

Sońǵy jańalyqtar

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar