Kezdesý jaıly Májilis tóraǵasy Erlan Qoshanov feısbýktegi paraqshasynda jazǵan.
«Pasheký myrza keshe Álemdik jáne dástúrli dinder kóshbasshylarynyń VII sezine qatysyp, dinaralyq dıalogty nyǵaıtýdaǵy Qazaqstan saıasatyn qoldaıtynyn aıtqan edi. Búgin Májilistegi júzdesýde sezd qorytyndysyn talqylaýdy odan ári jalǵastyrdyq.
Men Dýarte Pashekýdyń «Álemdegi qaqtyǵystardyń kóbi dinı sebepterden týyndaıdy» degen pikirimen kelisemin. Bul oraıda rýhanı kóshbasshylar halyqqa dinniń janjalǵa sebep bolmaıtynyn jete túsindirýi qajet ekenine kóńil aýdarǵan jón.
Parlamentaralyq odaq basshysy Qazaqstannyń jáne el Prezıdentiniń bul máseledegi rólin joǵary baǵalaǵanyna qýanyshtymyn», dep jazdy E. Qoshanov.
Sondaı-aq Portýgalııanyń Qazaqstandaǵy Tótenshe jáne О́kiletti Elshisi Marııa de Fatıma Veles de Andrade Mendesh jáne Parlament Senaty men Májilisiniń depýtattary qatysqan kezdesýde yntymaqtastyqty damytý baǵyttary talqylandy.
«Májilis pen odaq arasyndaǵy ózara is-qımyldy kúsheıtý kerek degen qorytyndyǵa keldik. Bul rette ekologııalyq máseleler ózektiligi arta túsýde. Sońynda tóraǵa Parlamentaralyq odaq is-sharalarynyń birin kelesi jyly Qazaqstan astanasynda ótkizýdi usynyp, qazaqstandyq parlamentshilerdi odaq pen Assambleıa is-sharalaryna qatysýǵa shaqyrdy», dep jazdy Májilis spıker.
