«Bul meni jurtshylyqpen jáne úkimettik emes uıymdarmen baılanys, baspasóz jáne elektrondy BAQ-pen ózara is-qımyl, jurtshylyqty Aqtóbe oblysy ákimdiginiń qyzmeti týraly habardar etip, aqparattandyrýdy arttyrý úshin jaýapty etedi. Sondaı-aq óńirdiń ıdeologııasyn, ishki saıasat pen jastar saıasaty máselelerin jaýapkershiligime alamyn. Jańa qyzmetke kirise otyra sizdermen tildesip, yntymaqtas bolýǵa daıyn ekenime sendirgim keledi. Oblys ákiminiń baspasóz qyzmeti jumysy «Halyq únine qulaq asatyn memleket» tujyrymdamasyn sapaly júzege asyrýǵa baǵyttalatyn bolady. Biz sizderdiń kásibı qyzmetterińizge qoldaý kórsetip, kómektesýge árqashan daıynbyz», dedi Erjan Baıtanaev.
Aıta keteıik, Erjan Halıuly Baıtanaev 1983 jyly 23 qańtarda dúnıege kelgen. 4 joǵary bilimi bar - qazaq tili men ádebıeti fılology, memlekettik basqarý mamany, zań ǵylymdarynyń magıstri. 2016 jyly Reseı Federasııasy Prezıdenti janyndaǵy halyq sharýashylyǵy jáne memlekettik qyzmet akademııasynyń Quqyq jáne ulttyq qaýipsizdik ınstıtýtyn úzdik bitirip, ǵylymı jumysyn qorǵady. Qazaqstan Respýblıkasy Prezıdentiniń «Bolashaq» halyqaralyq stıpendııasynyń túlegi. Eńbek jolyn óńirlik jáne respýblıkalyq BAQ-tarda bastaǵan.
2004-2007 jj. Jambyl oblysy jáne Astana qalasy boıynsha «KTK» telearnasynyń quqyqtyq baǵdarlamalar redaksııasynyń redaktory, menshikti tilshisi boldy.
2008 – 2013 jj. Qazaqstan Respýblıkasy qarjy Mınıstrligi kedendik baqylaý Komıtetiniń resmı ókili - baspasóz qyzmetiniń bastyǵy boldy.
2013 – 2014 jj. Qazaqstan Respýblıkasy Prezıdentiniń janyndaǵy memlekettik basqarý Akademııasynyń resmı ókili - baspasóz qyzmetiniń basshysy bolyp jumys istedi.
2014 – 2016 jj. Reseı Federasııasy Prezıdenti janyndaǵy halyq sharýashylyǵy jáne memlekettik qyzmet Akademııasynyń Quqyq jáne ulttyq qaýipsizdik ınstıtýtynyń tyńdaýshysy.
2016 – 2017 jj. Qazaqstan Respýblıkasy din isteri jáne azamattyq qoǵam Mınıstrliginiń baspasóz qyzmetiniń basshysy – mınıstrdiń baspasóz hatshysy.
2017 – 2018 jj. Qazaqstan Respýblıkasy aýyl sharýashylyǵy Mınıstrliginiń jurtshylyqpen baılanys basqarmasynyń basshysy - Qazaqstan Respýblıkasy Premer-Mınıstri orynbasarynyń baspasóz hatshysy.
2018 – 2019 jj. «QTJ» UK AQ – «Magıstraldyq jeli dıreksııasy» fılıalynyń baspasóz hatshysy.
08.11.2019 – 13.09.2022 jj. sanıtarııalyq-epıdemıologııalyq baqylaý Komıtetiniń resmı ókili – jurtshylyqpen baılanys basqarmasynyń basshysy.
03.03.2020 - 13.09.2022 jj. QR Premer-Mınıstri orynbasarynyń baspasóz hatshysy laýazymyn atqardy.
