Qala basshysy «Birge taza Qazaqstan» ekoaılyǵy men «Dúnıejúzilik tazalyq kúni» dúnıejúzilik ekoaksııasynyń aıasynda jalpyqalalyq senbilik bastalǵanyn eske saldy. Senbilik aıasynda ákim «Otaý» shaǵyn aýdanynyń turǵyndarymen birge aǵash otyrǵyzýǵa qatysty.
«Otaýda» qoljetimdi jeńildetilgen turǵyn úı shaǵyn aýdanyn saldyq. Bizdiń aldymyzda shaǵyn aýdandy odan ári damytý boıynsha birqatar mindetter tur. Kezdesýde qala turǵyndary áleýmettik nysandar (mektepter, balabaqshalar, emhanalar) qurylysy, aýdandy abattandyrý (aýla aýmaqtary), qosymsha avtobýs marshrýttaryn iske qosý, jyly aıaldamalar ornatý, joldardy salý jáne jóndeý, ınternet sapasyn jaqsartý, qurylys salýshy tarapynan qurylys kemshilikteri boıynsha óz usynystaryn bildirdi, sondaı-aq kanalızasııalardyń jumysy, saýda azyq-túlik dúkenin ashý boıynsha máseleler ortaǵa salyndy», dep jazdy qala basshysy.
Sondaı-aq ol shaǵyn aýdanda eki mektep salý josparlanǵanyn aıtty.
«О́zderińiz biletindeı, qazir biz iri mektepterdiń qurylysyn júrgizip jatyrmyz. Qazir jobalyq-smetalyq qujattama ázirlenýde. Sonymen qatar, egjeı-tegjeıli josparlaý jobasynda (egjeı-tegjeıli josparlaý jobasy) balabaqsha salýǵa arnalǵan jer de qarastyrylǵan. Sondaı-aq gıpermarket qurylysyna arnalǵan jer telimi de bar. Kelip túsken suraqtar jumysqa alyndy, birqatar máselelerdi qysqa merzimde sheshemiz, júıelik máseleler boıynsha kóbirek ýaqyt qajet bolady», dep qorytyndylady elorda ákimi.
