Keshe keshki ýaqytta Kagosıma qalasy mańyndaǵy Kıýsıý aralynda «Nanmadol» taıfýny bastaldy.
Taıfýn aımaǵyndaǵy jeldiń ekpini saǵatyna 234 km-ge deıin jetedi. Japon meteorologııalyq qyzmetiniń málimetinshe, keı jerlerde shamamen 500 mm jaýyn-shashyn túsken. Buryn-sońdy bolmaǵan mundaı nóser jaýyn sý tasqyny, sel jáne kóshkinge qaýip tóndirip otyr.
Bılik 4 mıllıonǵa jýyq adamdy qaýipsiz jerlerge kóshirýge shaqyrdy. Kıýsıýge qatynaıtyn poıyzdar, paromdar men reıster toqtatyldy. Taıfýn saldarynan 200 myńǵa jýyq úı jaryqsyz qaldy.
Japonııa premer-mınıstri Fýmıo Kısıda adamdardy kez-kelgen qaýipti aımaqtardan tez arada evakýasııalaýǵa shaqyrǵan arnaıy málimdeme jasady.
«Túnde evakýasııalaý óte qaýipti. Kún batqanǵa deıin qaýipsiz jerlerge evakýasııalaýǵa shaqyramyn», delingen habarlamada.
