Densaýlyq saqtaý mınıstri Ajar Ǵınııat 2022 jyldyń birinshi jartyjyldyǵynda Ulttyq jobanyń is-sharalaryn iske asyrý halyq densaýlyǵynyń negizgi kórsetkishterin jaqsartýǵa múmkindik bergenin habarlady. Máselen, qan aınalym júıesi aýrýlarynan bolatyn ólim-jitim 21,4%-ǵa, qaterli isikterden 8,7%-ǵa, tynys alý aǵzalarynyń aýrýlarynan 23%-ǵa jáne týberkýlezden 12%-ǵa tómendedi. Halyqtyń jalpy ólim-jitimi 15,5%-ǵa azaıdy.
О́tken kezeńde kúrdeli jáne joǵary tehnologııalyq medısınalyq qyzmetterdiń 80 túri boıynsha 18 myńnan astam qyzmet kórsetildi. Onkologııalyq kómektiń sapasyn arttyrý úshin Gamma-pyshaq jáne ıadrolyq medısına ortalyqtary jumys isteıdi, onda 300-den astam operasııa jasaldy jáne 400-ge jýyq pasıent emdeldi.
Shalǵaıdaǵy aýyldardyń 1 mln-nan astam turǵyny úshin 149 jyljymaly medısınalyq keshen konsýltasııalyq-dıagnostıkalyq qyzmetter, dári-dármek usyna otyryp, medısınalyq kómek kórsetti. Bıyl 10 óńirde medısınalyq kómek kórsetken 2 «Járdem» jáne «Salamatty Qazaqstan» medısınalyq poıyzdarynyń jumysy da qaıta jandandy.
Ajar Ǵınııattyń aıtýynsha, jalpy aýyldyq eldi mekenderdi medısınalyq-sanıtarlyq alǵashqy kómekpen jáne dıagnostıkamen qamtý jospar boıynsha 47% bolǵanda, 49%-ǵa deıin jetkizildi. Tegin medısınalyq kómektiń kepildik berilgen kólemi aıasynda jáne mindetti áleýmettik medısınalyq saqtandyrý júıesinde ambýlatorııalyq deńgeıdegi medısınalyq kómektiń kólemi 56%-ǵa deıin jetkizildi.
Sondaı-aq aýdandyq aýrýhanalardy zamanaýı kompıýterlik tomograftarmen, rentgen apparattarymen jabdyqtaý jalǵasýda, Astana jáne Almaty qalalarynda eki ǵylymı-ınnovasııalyq kópbeıindi klınıka salynyp jatyr, birqatar óńirde 8 balalardy ońaltý ortalyǵy ashyldy.
О́ńirlerde ulttyq jobany iske asyrý barysy týraly Jambyl oblysynyń ákimi Nurjan Nurjigitov pen Shymkent qalasynyń ákimi Murat Áıtenov baıandady.
Premer-Mınıstr qazirgi ýaqytta jańa densaýlyq saqtaý obektilerin salýǵa, medısınalyq tehnıka satyp alýǵa, zamanaýı tehnologııalardy engizýge, kadrlardy oqytýǵa qomaqty qarajat jumsalyp jatqanyn aıtty.
Máselen, qymbat medısınalyq zertteýler qoljetimdi boldy, byltyr naýqastardy radıohırýrgııalyq emdeýge arnalǵan Ortalyq Azııa elderindegi tuńǵysh Gamma-pyshaq ortalyǵy ashyldy, medısına qyzmetkerleriniń jalaqysy aıtarlyqtaı ósti.
«Memleket basshysynyń tapsyrmasy boıynsha «Aýylda densaýlyq saqtaýdy jańǵyrtý» pılottyq jobasy ázirlenýde, 2025 jylǵa qaraı aýyldyq eldi mekenderde 650 alǵashqy medısınalyq-sanıtarlyq kómek obektisin salý kózdelip otyr. Sondaı-aq 32 aýdandyq aýrýhana jańǵyrtylady», dedi Álıhan Smaıylov.
Sonymen qatar Premer-Mınıstr tez arada sheshilýi tıis birqatar máseleni qozǵady. Atap aıtqanda, Úkimet basshysy azamattardyń TMKKK jáne MÁMS boıynsha ótinishterin aıtty.
«Birinshi kezekte dárigerlik kómektiń kólemi jetkiliksiz dep shaǵym aıtýda. Densaýlyq saqtaý jáne Qarjy mınıstrligimen birlesip, 1 qarashaǵa deıin olardy qarjylandyrýdy jetildirý jóninde usynystar daıyndaýdy tapsyramyn», dedi Á. Smaıylov.
Premer-Mınıstrdiń aıtýynsha, ana men bala óliminiń kórsetkishterin tómendetý úshin shuǵyl sharalar qabyldaý jáne áıelder men jańa týǵan nárestelerdiń densaýlyǵyna turaqty monıtorıng júrgizý kerek. Odan bólek, múmkindigi shekteýli balalarǵa ýaqytyly ońaltý kómegin kórsetýge erekshe nazar aýdarý qajet.
«О́ńirlermen birlesip, zamanaýı perınataldyq ortalyqtar salý jáne balalar aýrýhanalaryn kerekti jabdyqtarymen jaraqtandyrý jóninde sharalar qabyldaý qajet», dedi ol.
Sonymen qatar Premer-Mınıstr suranysqa ıe mamandyqtar boıynsha bilim berý granttarynyń sanyn arttyrý máselelerin pysyqtaýdy jáne densaýlyq saqtaý júıesin sıfrlandyrý boıynsha júrgizilip jatqan jumystar aıasynda medısınalyq aqparat júıeleriniń ıntegrasııalanýyn qamtamasyz etýdi tapsyrdy.
