Qoǵam • 23 Qyrkúıek, 2022

Qańtardaǵy tártipsizdikterge qatysqan 1500-den astam adamǵa raqymshylyq jasalady

131 ret kórsetildi

Bas prokýratýra «Raqymshylyq týraly Qazaqstan Respýblıkasy Zańynyń jobasy» retteý saıasatynyń konsýltatıvtik qujatyn daıyndady, dep habarlaıdy Egemen.kz.

Bas prokýratýranyń málimetinshe, qazirgi ýaqytta tergeýde júrgen nemese sottalǵan 1520 adam raqymshylyqqa túsedi, olardyń ishinde:

  • sotqa deıingi tergeý kezeńinde 391 qylmystyq is boıynsha 383 kúdikti ustaldy;
  • sot óndirisinde - 36 iske 102 kúdikti bar.

Qazirdiń ózinde 1035 adam sottaldy, olardyń 93-i bas bostandyǵynan aıyrý oryndarynda jazasyn ótep jatyr, 930-y probasııada, taǵy 9 sottalǵan qoǵamdyq jumystarǵa tartyldy, 3-ýine aıyppul salyndy.

Qylmystyq teris qylyqtar men onsha aýyr emes jáne aýyrlyǵy ortasha qylmystar jasaǵan adamdardy qylmystyq jaýaptylyqtan tolyq bosatý usynylady. Aýyr jáne asa aýyr qylmystar jasaǵan adamdarǵa jaza merzimi qysqartylýy múmkin.

Bul rette Zań jobasynyń kúshi memleketke opasyzdyq jasaýǵa, jappaı tártipsizdikterdi uıymdastyrýǵa, sybaılas jemqorlyq qylmystarǵa, terrorıstik qylmystarǵa, ekstremıstik qylmystarǵa, azaptaýlarǵa baılanysty qylmystar jasaǵan, sondaı-aq qylmystardyń qaıtalanýy nemese qylmystardyń qaýipti qaıtalanýy kezinde jaza taǵaıyndalǵan adamdarǵa qoldanylmaıdy dep kórsetiledi.

Zań jobasyn ázirleýge Memleket basshysynyń 2022 jylǵy 1 qyrkúıektegi Qazaqstan halqyna Joldaýy negiz boldy, onda ol qańtardaǵy oqıǵalarǵa qatysýshylarǵa bir rettik raqymshylyq jasaýdy tapsyrdy.

Qujat 14 qazanǵa deıin Ashyq NQA saıtynda jarııa talqylaý úshin ornalastyrylǵan.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar