Aımaqtar • 23 Qyrkúıek, 2022

Atyraý oblysynda 77 brakoner anyqtaldy

266 ret

kórsetildi

1 mın

oqý úshin

Atyraý oblysynyń aýmaǵynda 10 qyrkúıekten 31 qazanǵa deıin «Bekire-2022» jedel-profılaktıkalyq operasııasynyń kúzgi kezeńi ótkiziledi. Qazirdiń ózinde balyq aýlaý erejesin buzǵan 77 kúdikti anyqtaldy, dep habarlaıdy Egemen.kz.

Botakóz BAQBERGEN

«Operasııaǵa polıseıler, tergeýshiler, balyq qoryndaǵy qol suǵýshylyqqa qarsy kúres bóliminiń qyzmetkerleri jumyldyryldy. 10 kún ishinde balyq qorlarynyń zańsyz aınalymyna baılanysty 77 quqyq buzýshylyq anyqtaldy, onyń ishinde 74 fakt - balyq aýlaý erejelerin buzý, 3 fakt - balyq jáne balyq ónimderin elden tys jerlerge zańsyz áketý.

Barlyǵy 77 quqyq buzýshy ustaldy, olardan 199 kg balyq tárkilendi.

Qazaqstan Respýblıkasy ÁQBtK - niń 383-baby boıynsha (balyq aýlaý erejelerin buzý) 74 adam ákimshilik jaýapkershilikke tartyldy, onyń ishinde 1 adamǵa qatysty qujattar sotqa jiberildi», dep habarlady oblystyq PD baspasóz qyzmeti.

Budan basqa, Atyraý oblystyq Oral-Kaspıı oblysaralyq balyq sharýashylyǵy ınspeksııasyna zańsyz aýlanǵan balyq túrleri men onyń ónimderin tasymaldaý jáne áketý faktileri boıynsha 3 qujat jiberildi. Balyqty zańsyz satyp alǵany, satqany, saqtaǵany úshin QR ÁQBtK-niń 389-baby boıynsha 4 adam ákimshilik jaýapkershilikke tartyldy.