Qazaqstan • 24 Qyrkúıek, 2022

Qazaqstan men Malaızııa turaqty áýe reısterin qalpyna keltiredi

165 ret kórsetildi

Qazirgi kúnderi Qazaqstan men Malaızııa jahandyq pandemııa saldarynan eki jyldan beri úzilip qalǵan turaqty áýe reısterin qalpyna keltirý úshin kelissózder júrgizip otyr. Bul týraly Qazaqstanǵa arnaıy kelgen Malaızııa týrıstik agenttiginiń saýda mıssııasy málimdedi, dep habarlaıdy Egemen.kz.

Almatyda ótken baspasóz máslıhatynda Malaızııa 2022 jyly álemniń barlyq túkpirinen 9,2 mıllıon týrıst qabyldaýǵa saqadaı saı ekeni aıtyldy. 

Malaızııa arnaıy delegasııasynyń osy saparynda megapolıste «Malaızııa - naǵyz Azııa» semınary aıasynda Business-to-Business iskerlik kezdesýleri ótip, eki eldiń týrıstik ındýstrııasynyń múmkindikterin keńeıtýge qatysty tusaýkeserler ótti. 

Sonymen qatar bıyl Qazaqstan men Malaızııanyń dıplomatııalyq qarym-qatynastarynyń bastalǵanyna da 30 jyl tolyp otyr. Osy aralyqta eki eldiń saýda-sattyǵy jolǵa qoıyldy deýge bolady. Máselen, 2021 jyly jalpy saýda aınalymy 98,59 mıllıon AQSh dollaryn qurasa, bıyl, ıaǵnı 2022 jyldyń jeti aıynda bul soma 58,82 mıllıon AQSh dollaryna jetken.

Al Almatyda ótken is-shara eki eldiń burynǵy týrıstik kompanııalarymen iskerlik qarym-qatynastardy qalpyna keltirip, naryqtan jańa oıynshylardy tabýdy kózdeıdi. Sondyqtan da Malaızııa delegasııasyn týroperatorlar, qonaqúılerdiń ıeleri men memlekettik týrızm salasynyń qyzmetkerleri, medısınalyq týrızm ındýstrııasynyń ókilderi qurady. 

.

BAQ ókilderimen kezdesý barysynda Malaızııanyń Qazaqstandaǵy Elshisi Dato Saıd Mohamad Bakrı Bın Saıd Abdýl Rahman: «Qazaqstan – biz úshin Ortalyq Azııadaǵy mańyzdy el. Bul aımaq týrıstik ónimder men qyzmetter turǵysynan qaraǵanda, biz kútkennen de bólek kóp múmkindik usyna da, qabyldaı da alady. 2019 jyly, COVID-19 pandemııasyna deıin biz Qazaqstannan Malaızııaǵa demalýǵa kelgen 18 138 týrıst qabyldadyq, bul ótken jylmen salystyrǵanda 30,9%-ǵa kóp. Sol sııaqty, Malaızııa halal týrızmi boıynsha Qazaqstannan kelgen týrıster úshin tanymal baǵyttardyń biri boldy. Sol sııaqty bizdiń týrıster de kórikti mekenderge baı Qazaqstanǵa qydyrýǵa qyzyǵýshylyq tanytady. Sondyqtan qazirgi ýaqytta Qazaqstan men Malaızııa arasynda turaqty áýe qatynasyn qalpyna keltirý úshin kelissózder júrgizip jatyrmyz, bul eki eldiń týrızmin damytýǵa úlken serpin bere alady», dedi.

Dál qazirgi kúnderi Malaızııa karantın nemese COVID-19 testileý talaptarynsyz tolyq vaksınasııalanǵan saıahatshylarǵa, sonyń ishinde 17 jáne odan kishi jastaǵy balalardy qosa alǵanda, kirý prosedýralaryn jeńildetip otyr. Oǵan qosa týrıstik saqtandyrý da Malaızııaǵa keletin sheteldikter úshin mindetti talap emes.

Sońǵy jańalyqtar

Dollar baǵamy 3 teńgege kóterildi

Qarjy • Búgin, 16:38

Qazaq balýany ulyqtaldy

Qoǵam • Búgin, 14:36

6 jeltoqsan - Prokýratýra kúni

Qazaqstan • Búgin, 13:00