Elorda • 24 Qyrkúıek, 2022

Astanada aýylsharýashylyq jármeńkesi ótip jatyr

110 ret kórsetildi

24 qyrkúıekte Astanada Atyraý jáne Batys Qazaqstan oblystary taýar óndirýshileriniń dástúrli aýyl sharýashylyǵy jármeńkesi ótip jatyr, dep habarlaıdy Egemen.kz elorda ákimdiginiń resmı saıtyna silteme jasap.

Munda eki oblys 47-den astam taýar túrin usyndy. 90 tonnadan astam sıyr eti men jylqy eti, 44 tonna balyq, 17 tonna un men makaron ónimderi satylyp jatyr.

«Atyraý oblysynan biz 110 tonna aýyl sharýashylyǵy ónimin, onyń ishinde 44 tonna balyq ákeldik. Bul ótken jylmen salystyrǵanda 8 tonnaǵa artyq. Sondaı-aq et, kókónis pen jemis ákeldik. Elorda turǵyndarynyń kóńil kúıin kóterý úshin konserttik baǵdarlama uıymdastyryldy. Bizdiń ónimderimizdiń baǵasy naryqtaǵy baǵadan 20%-ǵa tómen», dedi Atyraý oblysy Aýyl sharýashylyǵy basqarmasy basshysynyń orynbasary Baǵdat Rústemov.

Jármeńkede ádettegideı adam qarasy kóp. «О́zimizdiń balyqqa eshteńe jetpeıdi-aý» dep sóılep bara jatqan jigit aǵasyn toqtatyp, az-kem áńgimege tarttyq. О́zi de ańqyldaǵan azamat eken, sózdi ózi bastady.

«Myna aýyl sharýashylyǵy jármeńkesi degen jaqsy ǵoı, – dedi ózin Serikbaı Aısaǵalıev dep tanystyrǵan turǵyn. – 6 jyl boldy, osy astanada turamyn. Atyraý oblysynyń týmasymyn. Balamdy ertip kelgenmin. Soǵan aıtyp jatqanym ǵoı, balyq satyp alaıyq dep (kúldi). Shirkin, Atyraýdyń balyǵy dámdi ǵoı. Azdap sıyr etin satyp alyp, mine, aqsham jetkenshe balyq satyp alǵym keldi. Otbasymyzben bul taǵam túrin súısine jeımiz (taǵy kúldi). Biraq osy balam ǵana balyqty onsha unata qoımaıdy»,  dep shamamen 6-7 jastaǵy balasynyń basynan sıpap qoıdy.  

Naryqtyq baǵadan arzan baǵada ónim usynatyn jármeńkede 15 tonna kókónis, 10 tonna kartop, 10 tonna shujyq jáne konservi ónimderiniń túrleri, 5 tonna ósimdik maıy, 5 tonna sút ónimderi, 2 tonna jemis-jıdek, 36 myń jumyrtqa, sondaı-aq 21,7 tonna basqa da ónimder ákelingen eken.

Osy tusta kókónis tańdap júrgen erli-zaıypty elordalyqtardy da sózge tarttyq. 

«Jaqyn jerde turatyn bolǵan soń apta saıynǵy aýyl sharýashylyǵy jármeńkesin asyǵa kútemiz. Áıtpese sýpermarketter men dúkenderde baǵa ýdaı qymbat. Búgin birneshe lıtr suıyqmaı men kókónister satyp alyp jatyrmyz. Keshke dostarymyz qonaqqa keledi, soǵan salat jasaımyn», dedi Zarına Qasymova.

Osy tusta áńgimege aralasqan otaǵasy Arman Qasymov, jýrnalıst bolǵan soń ba, azyq-túlik baǵasynyń kúnnen-kúnge sharyqtap bara jatqanyn ashyna jetkizdi. Al aýyl sharýashylyǵy jármeńkesine kóńili tolatynyn, budan da jıi ótkizilip turýy kerek ekenin jetkizdi. 

Astanalyqtar azyq-túlikten basqa rýhanı azyq ta aldy. Qala ákimdiginiń jármeńke qonaqtary úshin arnaıy uıymdastyratyn konserttik baǵdarlamany tamashalady.

Eske sala keteıik, aýyl sharýashylyǵy ónimderiniń jármeńkesi ár senbi jáne jeksenbide Turan, 48 mekenjaıynda ornalasqan «Astana-Arena» stadıonynyń janyndaǵy alańda ótip turady. 13 qarashaǵa deıin sozylady.

Aldaǵy aptada bolatyn jármeńkede Shyǵys Qazaqstan jáne Abaı oblystarynyń kásipkerleri óz ónimderin 1-2 qazan kúnderi usynady.

Sońǵy jańalyqtar

Qazaq balýany ulyqtaldy

Qoǵam • Búgin, 14:36

6 jeltoqsan - Prokýratýra kúni

Qazaqstan • Búgin, 13:00

SQO-da 50 jylqy muz astynda qaldy

Aımaqtar • Búgin, 09:18

Ábsattar Derbisáli atyndaǵy dárishana

Aımaqtar • Búgin, 08:17

Qazaqstan tájirıbesi joǵary baǵalandy

Saıasat • Búgin, 08:15

Ashyqtyq – mańyzdy ustanym

Saıasat • Búgin, 08:10

Baǵa bulqynysy

Ekonomıka • Búgin, 08:09

Astyqty óńirde un tapshy

Aımaqtar • Búgin, 08:07

Jóndeýshi tapshy

Qoǵam • Búgin, 08:05

Áıgili jelaıaq – qurmetti azamat

Qoǵam • Búgin, 08:04

Bala dilmarlar baıqaýy

Aımaqtar • Búgin, 08:02

Jarysty jalǵyz qolamen túıindedi

Sport • Búgin, 08:00

Ákim saılaýy – elge syn

Saıasat • Keshe

Uqsas jańalyqtar