Qos tarap týrızm, mádenıet jáne azamattyq avıasııa salalaryndaǵy yntymaqtastyqty keńeıtý máselelerin zerdeledi.
Álıhan Smaıylov óz sózinde ótken jyldar ishinde Qazaqstan Respýblıkasy men Saýd Arabııasy arasynda dostyq jáne syndarly qatynastar ornaǵanyn atap ótti.
Sondaı-aq ol Astanada ótken Álemdik jáne dástúrli dinder kóshbasshylarynyń VII sezine belsendi qatysqany úshin Koroldik ókilderine alǵysyn bildirdi.
«Elder arasyndaǵy yntymaqtastyq keńeıip, nyǵaıa túsetinine senimdimin», dedi Álıhan Smaıylov.
О́z kezeginde Taýfık ben Faýzan ál-Rabıa turaqty áýe reısteriniń ashylýy ekijaqty qarym-qatynasty nyǵaıtýǵa qosymsha serpin beretinin atap ótti.
«Sapar aıasynda men qazaqstandyq áriptesterimmen birqatar tabysty kezdesý ótkizdim. Tikeleı turaqty reısterdiń ashylýy Qazaqstannan keletin týrıster men qajylyqqa barýshylar sanynyń ósýine yqpal etedi dep úmittenemiz», dedi Taýfık ben Faýzan ál-Rabıa.
