Qazaqstan • 27 Qyrkúıek, 2022

Qazaqstan munaı-gaz hımııasyn damytýǵa múddeli

48 ret kórsetildi

Premer-Mınıstr Álıhan Smaıylov Dúnıejúzilik munaı keńesiniń prezıdenti Pedro Mıraspen kezdesip, Qazaqstannyń jahandyq energetıkalyq qaýymdastyqpen yntymaqtastyǵyn nyǵaıtý máselelerin talqylady, dep habarlaıdy Egemen.kz Úkimettiń baspasóz qymzetine silteme jasap.

Álıhan Smaıylov álemdik salalyq qoǵamdastyqtyń senimdi jáne jaýapty múshesi retinde Qazaqstannyń pozısııasyn nyǵaıtý úshin Úkimet barlyq qajetti sharalardy qabyldap jatqanyn atap ótti.

Máselen, elimiz klımattyń ózgerýi jónindegi Parıj kelisimin ratıfıkasııalady jáne 2030 jylǵa qaraı parnıktik gazdar shyǵaryndylaryn 15%-ǵa qysqartý boıynsha mindettemelerdi moınyna aldy, sondaı-aq qazirgi ýaqytta 2060 jylǵa deıin kómirtegi beıtaraptyǵyna qol jetkizý strategııasyn ázirlep jatyr.

«Qazaqstan kómir stansııalaryn gazǵa kóshirý, munaı-gaz hımııasy men sýtegi energetıkasyn damytý boıynsha yntymaqtastyqqa múddeli. Osyǵan baılanysty biz Dúnıejúzilik munaı keńesiniń saraptamalyq baǵalaýyn qarastyrýǵa árqashan daıynbyz», dedi Premer-Mınıstr. 

l

Sonymen qatar Úkimet basshysy 2022 jylǵy 29 qyrkúıek pen 2 qazan aralyǵynda Almatyda DMK VII jastar forýmyn ótkizýdiń mańyzyn atap ótti. Onda jahandyq energetıkaǵa kóshý, dekarbonızasııalaý jáne tómen kómirtekti damý máseleleri qaralady. Álemniń 29 elinen 700-den astam delegat qatysady.

О́z kezeginde Pedro Mıras Qazaqstan Úkimetine atalǵan is-sharany ótkizýge jáne jalpy óńirdegi uıymnyń jumysyna qoldaý kórsetkeni úshin alǵys aıtty.

«Bizde kóptegen qyzyqty jobalar júzege asyrylyp jatyr. Atap aıtqanda, biz jas mamandarǵa búkil álemdegi bolashaq áriptesterimen salalyq baılanys ornatýǵa kómektesý úshin ýnıversıtettermen jumys isteımiz», dedi Pedro Mıras.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar