Astanada «Dos-Muqasan» fılminiń jabyq premerasy ótti. Aty ańyzǵa aınalǵan mýzykalyq ansambl týraly kórkem drama 29 qyrkúıekte Qazaqstan boıynsha prokatqa shyǵady.
Efrat Sháripovtiń ssenarııi boıynsha Aray Media Group stýdııasy túsirgen fılmniń prodıýseri – Aıgúl Baıbek, al mýzykalyq dramanyń rejısseri – Aıdyn Sahaman. Kınojoba Mádenıet jáne sport mınıstrligi men Ulttyq kınematografııany qoldaý memlekettik ortalyǵynyń qoldaýymen túsirilgen.
Fılmniń bas prodıýseri Aıgúl Baıbektiń aıtýynsha, «Dos-Muqasan» vokaldy-aspaptyq ansambli – bizdiń maqtanyshymyz. «Olar jaıly fılm túsirý – biz úshin úlken mártebe. Bul meniń bas prodıýser retindegi alǵashqy tolyqmetrli kórkem fılmim. Kásibı mýzykant retinde men úshin aty ańyzǵa aınalǵan ansambldiń negizin qalaýshylarmen birge qurylý tarıhyn zerttep, jeke aralasý, ónerdiń eń názik baǵyty – mýzyka jaıly fılm túsirý qyzyq boldy. Biz fılm sıýjetine ózek bolǵan «Dos-Muqasannyń» shynaıy tarıhyn jetkizýge, sol kezdegi mýzykalyq rýhtyń erekshe atmosferasyn jasaýǵa tyrystyq», deıdi ol.
Fılm rejısseri Aıdyn Sahaman fılmge tartylǵan akterlerdiń kásibıligi, mýzykalyq alǵyrlyǵy, harızmasynyń mańyzy týraly aıtty. «Jas ártisterimizdiń sheberligi barlyq jas sanaty úshin qyzyqty kartına jasaýǵa jol ashty. Aǵa býyn jastyq atmosferasyn sezinýdi, al jas urpaq úshin vokaldy-aspaptyq ansambldiń tarıhymen tanysýǵa múmkindik aldy», dedi A.Sahaman.
Baıopıkti senimdi túrde beıimdeý jáne oǵan qazaq rokynyń negizin qalaýshylardyń qaıtalanbas tartymdylyǵyn berý úshin bas keńesshi retinde vokaldy-aspaptyq ansambldiń negizin salýshylar Murat Qusaıynov pen Dosym Súleev shaqyrylǵan.
Fılmniń akterlik quramy portrettik uqsastyq boıynsha tańdalǵan. Basty rólderdi akter Meıirǵat Amangeldın, Maqsat Sábıtov, Eldos Shaıkenov, Saıat Maqulbaev, Aıǵanym Saǵynbaeva, Nıkıta Pogodaev, Nurǵısa Qýanyshbaıuly jáne Ábilmansur Serikov oınady. Tanymal blogerler men vaınerler Artýr Asqaruly men Zýhra Saıpı de fılmde debıýt jasady.
«Avtorlar, eń bastysy, bizdiń mýzykaǵa degen súıispenshiligimizdi, kóńil kúıimizdi, sol kezdegi atmosferany jetkize aldy. Uzaq jyldar boıy kadr syrtynda, sahna artynda qalǵany – jolymyzdaǵy qıyndyqtar men ıntrıgalar, keńestik ıdeologııaǵa qaıshy keletin óz stılimizdi saqtaýdaǵy qıyndyqtar, ujym ishindegi qarym-qatynastar men renishter tolyǵymen derlik burmalanbaı kórsetildi», deıdi ansambldiń negizin qalaýshy Dosym Súleev.
Prezıdenttiń qarapaıymdylyǵy qatty unady – Shavkat Rahmonov
Sport • Búgin, 23:06
Álıhan Smaıylov qazaq elin Naýryz meıramymen quttyqtady
Úkimet • Búgin, 11:00
Búgin elimizdiń basym bóliginde kún ashyq bolady
Aýa raıy • Búgin, 10:40
Qazaqstan • Búgin, 10:18
Memleket basshysy Qazaqstan halqyn Naýryz meıramymen quttyqtady
Prezıdent • Búgin, 10:00
Uqsas jańalyqtar
