Oblystyq kóshi-qon qyzmeti basqarmasynyń basshysy, polısııa polkovnıgi Qaırat Dútpaevtyń aıtýynsha, syrttan kelgenderdiń qaıda baryp, qaıda turaqtap jatqanyn quzyrly organdar qatań baqylap otyr. О́ńirge kelip jatqan Reseı azamattarynyń qujattary da zań talaptaryna saı. Búginge deıin olardyń eshbiri ne ákimshilik, ne qylmystyq jaýapkershilikke tartylmaǵan.
– Reseıden kelip jatqandardyń 80-90 paıyzy – ókpek jolaýshylar. Kóbi Qostanaıǵa kóp aıaldamaı, úlken qalalarǵa ótip ketip jatyr. Sondyqtan biz bul jerden alańdaıtyndaı úlken bir másele kórip turǵan joqpyz. Qazirshe syrttan kelgenderdiń eshqaısy óńirde ýaqytsha turýǵa ruqsat beretin yqtııarhat alamyn dep aryz bergen joq. Bul qujatty birneshe kúnniń ishinde alý múmkin emes. Yqtııarhat alý úshin sol azamattyń buryn-sońdy sottalmaǵany týraly anyqtama qajet. Bul anyqtamanyń elektrondy nusqasy jaramaıdy. Bizge Reseı Federasııasynyń gerbti móri basylǵan qaǵaz túrindegi anyqtama kerek. Munyń syrtynda, beırezıdenttiń JSN-i, medısınalyq komıssııanyń qorytyndysy, taǵy da basqa birqatar qujat ákep tapsyrýǵa tıis, – dedi kóshi-qon basqarmasynyń basshysy.
Oblystyq PD kóshi-qon qyzmeti bóliminiń basshysy Gúljanat Kúdebaevanyń aıtýynsha, Eýrazııalyq ekonomıkalyq odaqqa múshe elderdiń azamattaryn tirkeýge qoıý mindeti qabyldaýshy tarapqa júktelgen. Iаǵnı qonaqúı, hostelderdiń ıeleri, sondaı-aq páterin jalǵa berip otyrǵan jeke azamattar úsh táýliktiń ishinde polısııaǵa eQonaq qosymshasy arqyly nemese jazbasha túrde óz ıeligindegi mekenjaıǵa sheteldik azamat kelip ornalasqany týraly habar jiberýi mindet. Bulaı bolmaǵan jaǵdaıda, qabyldaýshy tarap ákimshilik jaýapqa tartylady.
Qostanaıdaǵy halyqqa qyzmet kórsetý ortalyǵy dırektorynyń orynbasary Shyńǵys Áshirbekovtiń sózinshe, «Azamattarǵa arnalǵan úkimetke» júgingen sheteldikterdiń 99 paıyzy JSN resimdetip jatyr.
– Bir kúnde shamamen 300 adamdy qabyldaımyz. Jergilikti turǵyndar uzyn-sonar kezekte turyp qalmaý úshin reseılik azamattardy Gashek kóshesindegi «Azamattarǵa arnalǵan úkimet» ortalyǵynda jeke qabyldap jatyrmyz, – dedi Sh.Áshirbekov.
Qostanaı oblysy
