Vedomstvo ókilderi habarlaǵandaı, qazirgi ýaqytta bul fakti boıynsha quramynda Densaýlyq saqtaý mınıstrliginiń beıindi Sanıtarııalyq-epıdemıologııalyq baqylaý jáne Medısınalyq jáne farmasevtıkalyq baqylaý komıtetteriniń basshylary, beıindi mamandary bar Komıssııa quryldy. Komıssııa músheleri epıdemıologııalyq tekserý júrgizip, saraptamalyq qorytyndynyń negizinde bolǵan ınsıdentke baǵa beredi.
Oblystyq densaýlyq saqtaý basqarmasy ata-analarmen túsindirý jumystaryn júrgizip, balalardyń densaýlyq jaǵdaıyna turaqty monıtorıng júrgizýde.
Eske sala ketsek, osy jyldyń 13 qyrkúıeginde Aqtóbe qalasynyń №74 jalpy bilim beretin orta mektebinde týberkýlındik dıagnostıkaǵa jatatyn birinshi synyp oqýshylaryna mantý synamasyn júrgizbeı BSJ vaksınasymen qaıta vaksınasııalaý faktisi oryn aldy.
«Mektep boıynsha profılaktıkalyq ekpelerdi júrgizý úshin jaýapty oryndaýshylar retinde Aqtóbe qalasyndaǵy jeke klınıkanyń («Medıkýs ortalyǵy» JShS) dárigeri men meıirgeri taǵaıyndaldy. Atalǵan medısına qyzmetkerleri búginde jumystan shettetildi. Balalardyń jalpy jaǵdaıy qanaǵattanarlyq, barlyǵy pedıatrlardyń baqylaýymen sabaqtaryn jalǵastyrýda», delingen mınıstrlik habarlamasynda.
