«Ákimder jyl sońyna deıin jer, ınfraqurylym jónindegi barlyq máseleni sheshýi qajet. Munda esh aqtalýdyń reti joq. Sondyqtan atalǵan jumystyń oryndalýyna ákimderdi tikeleı jaýapty etip bekitý jónindegi Úkimettiń usynysyn qoldaımyn. Qurylysy 2023 jyly bastalýǵa tıis mektepter úshin jer ýchaskelerin bólý jáne ınfraqurylymǵa qosý jónindegi barlyq másele bir aı ishinde sheshilýge tıis. Qalǵandary jyl sońyna deıin sheshimin tabýy kerek», dep atap ótti Prezıdent.
Memleket basshysy ákimder bıýrokratııany azaıtý, naqty máselelerdiń sheshilýin sozbalańǵa salý problemasyn retteýi kerek ekenin naqtylady.
«Úkimettiń Samruk-Kazyna Construction-dy biryńǵaı tapsyrys berýshi retinde aıqyndaý týraly usynysyn qoldaýǵa bolady dep esepteımin. Bul búkil prosesti bir jerde josparlaýǵa, salýǵa jáne basqarýǵa múmkindik beredi. Mektepter boıynsha talap erekshe bolady», dep qosty Qasym-Jomart Toqaev.
