«Barlyq mindetter tez, áýre-sarsańsyz, jaýapkershilikti bir-birine silteıtin vedomstvolar arasyndaǵy «alashapqynsyz» sheshilýge tıis. Bastysy – naqty belgilengen nátıjelerge qol jetkizý. Ol úshin jobalardyń júzege asyrylýyn qadaǵalaıtyn monıtorıng júıesi qajet», dedi Memleket basshysy.
Otyrys barysynda Qasym-Jomart Toqaev Úkimetke birqatar tapsyrma júktedi.
«Bıyl qarasha aıyna deıin Úkimet qaýlysymen atalǵan ulttyq jobalardy jáne qajetti normatıvtik aktilerdi bekitýdi, sondaı-aq jyl sońyna deıin osyndaı jańa formatta ázirlenetin qosymsha ulttyq jobalardyń tizbesin anyqtaýdy tapsyramyn», dedi Prezıdent.
