Aımaqtar • 28 Qyrkúıek, 2022

Jıyn-terim oıdaǵydaı júrgizilip jatyr

75 ret kórsetildi

Shyǵys Qazaqstanda egis alqaptary byltyrǵymen salys­tyrǵanda 24 myń gektarǵa artyp, ortasha túsim jyldaǵy deń­geıden tómen bolmaıdy dep boljanýda. Iá, «balapandy kúzde sanaıdy» degendeı, oraq maýsymy ábden aıaqtalǵan soń naqty sıfrlar belgili bolady.

Sýretti túsirgen avtor

О́ńirdegi egistik alqaptarynda oraq naýqany tamyzdyń orta sheninde bastalǵan. Aýyl sha­rýa­­shylyǵy basqarmasynyń aq­paraty boıynsha, qazirgi ýa­qyt­ta kúrishti qospaǵanda dándi jáne burshaqty daqyldardy jınaý jumystary qarqyndy jal­ǵasyp keledi.

– Resmı statıstıkalyq derek­terge sáıkes, byltyr dándi-da­qyldar 615,6 myń gektar al­qap­­­­qa otyrǵyzylsa, bıyl bul kór­­setkish 639,6 myń gektardy qu­rady. Osylaısha, dándi-da­qyl­dar otyrǵyzylatyn egis al­qap­ta­rynyń alańy 24 myń gek­tarǵa artty, – deıdi oblyst­yq aýyl sha­rýa­shylyǵy basqar­masynyń basshysy Ramıl Saǵandyqov.

Onyń aıtýynsha, bıyl egic al­qaptarynyń jaı-kúıi jaman emes. Jaz maýsymy bastap­qy­da jaýyn-shashynsyz bastalyp, sharýalardy alańdatqany ras. Degenmen, daqyl kóktegen ýaqytta ylǵal kóp túsip, dı­qan­dar­dyń kóńili jaılandy. Osy­­nyń nátıjesinde qazir Er­tistiń bal bonıteti joǵary oń ja­ǵalaýy men qunary az sol j­aǵalaýyndaǵy egis alqap­tary­nan dándi-daqyldardyń túsetin ortasha túsimi gektaryna 18 sent­­nerdi quraıdy dep boljanyp otyr.

Aıta ketsek, bıyl oraq naý­qanyn Ulan, Shemonaıha aýdan­darynyń aýyl sharýa­shylyǵy qurylymdary birinshi bolyp bastaǵan.

– Oblys boıynsha taıaý­da dán­di-daqyldar 100 paıyz kólemde

jınalady dep bol­janǵan. Atap óter bolsaq, kúzdik jáne jaz­dyq bıdaı, qara bıdaı, arpa, suly, tary, qaraqumyq, ma­saq­tylar qospasy, qara bıdaı býdany, keptirilgen burshaqty kó­kónisteri jınaldy. Jınalǵan astyqty keptirý jáne saqtaýda da másele joq dep oılaımyn. О́ıtkeni oblysta bar elevatorlar, astyq qabyldaý pýnktteri jáne aýyl sharýashylyǵy qura­lymdarynyń menshikti qoıma­lary shamamen 1 mln tonna as­tyqty saqtaýǵa múmkindik bere­di, – deıdi R.Saǵandyqov.

Jańa ónimdi óńdeý úshin oblys aýmaǵyndaǵy sharýashylyqtarda ártúrli qýattylyqtaǵy 209 me­ha­nıkalandyrylǵan tok bar, olar astyqty bastapqy óńdeýdi qamtamasyz etedi. Budan basqa oblysta aýyl sharýashylyǵy da­qyldarynyń ónimin saqtaýmen qýattylyǵy 327,9 myń tonna bolatyn lısenzııalanǵan bes elevator aınalysady.

Oraq maýsymy bastalǵan sa­ıyn qaıta aınalyp soǵa­tyn problemalardyń biri – janar-jaǵarmaı tapshylyǵy ekeni beseneden belgili. Bıyl da elimizde bul másele boı kó­ter­di. Jer-jerlerde dızel tap­shy­lyǵy men qunynyń sharyq­taýy sııaq­ty aqparattar tarady. Deı­tur­ǵanmen, basqarma qazirgi ýa­qytta óńirlerdegi janar-ja­ǵar­maı tapshylyǵynyń ortasha deńgeıde turǵanyn atap ótti. Opaq naýqanyn oıdaǵydaı ótkizý úshin qajetti janar-jaǵarmaıdy jetkizýge mindetti operatorlar belgilengen. Atap aıtsaq, búginde oblys boıynsha osyndaı 20 operator jumys isteıdi.

– 2022 jyly kúzgi dala ju­mystaryn júrgizý úshin elimizdiń Energetıka mınıstrligi Shyǵys Qazaqstan oblysynyń aýyl sha­rýashylyǵy qurylymdaryna Pavlodar munaı-hımııa zaýytynan 17,8 myń tonna dızel otynyn bóldi. Atalǵan dızel otynynyń kólemi tamyz aıyna 7,4 myń tonna, qyrkúıekte 7,6 myń tonna jáne qazan aıyna 2,8 myń tonna bólindi. Ope­ratorlardyń tamyz jáne qyr­kúıek aılaryndaǵy bosatý baǵasy lıtrine 204-ten 212 teń­gege deıin boldy. Dızel oty­­nyn bólýde sýbsıdııalaý shara­lary qarastyrylmaǵan, – dedi R.Saǵandyqov.

Budan bólek, oblystaǵy sha­rýashylyqtardyń tehnıkalyq qamtamasyz etilýi de jaman emes kórinedi. Atap aıtsaq, bıyl egis alqaptaryna 2 074 astyq jınaıtyn kombaın shyqsa, onyń 355-i ónimdiligi joǵary zamanaýı kombaındar bolyp keledi. Kombaınǵa ortasha maýsymdyq júkteme 350 gektardan aspaıdy, ıaǵnı bir kombaınnyń maý­symdyq júktemesi 300 moto/saǵat nemese 600 gektarǵa deıin. Mamandardyń málimetine súıen­sek, bul jınaý maýsymyna arnalǵan normatıvtik júktemege sáıkes keledi.

 

Shyǵys Qazaqstan oblysy

Sońǵy jańalyqtar

Túrkistanda 200-deı úı jylýsyz qaldy

Aımaqtar • Búgin, 18:15

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Uqsas jańalyqtar