Prezıdent Qasym-Jomart Toqaev Qazaqstan halqyna arnaǵan bıylǵy Joldaýynda jergilikti mańyzy bar joldarǵa nazar aýdaryp, birqatar máseleni atap ótken bolatyn. Osy oraıdaǵy máselelerdiń sheshimin tabý maqsatynda elordada Indýstrııa jáne ınfraqurylymdyq damý mınıstrliginiń Avtomobıl joldary komıteti men «Qazaqstan jol ǵylymı-zertteý ınstıtýty»AQ «Jol qurylysyndaǵy ınnovasııalyq tehnologııalar men materıaldar» atty kóshpeli semınar ótkizdi.
Kollajdy jasaǵan Qonysbaı ShEJIMBAI, «EQ»
Kóshpeli semınar-trenıngke jol qurylysyn jobalaý jáne qyzmet kórsetý salalaryndaǵy mekemeler men mamandar, ǵalymdar, merdiger kompanııa ókilderi men kásipkerler, «QazAvtoJol» UK, «Jol aktıvteriniń ulttyq sapa ortalyǵy», «QAZjolǴZI» AQ qyzmetkerleri, oblys ákimdiginiń ókilderi qatysty. Jıynda Avtomobıl joldary komıtetiniń tóraǵasy Tólegen Abdýllın sóz alyp, Memleket basshysynyń 2025 jylǵa deıin joldardyń sapasyn jaqsartý jónindegi tapsyrmasyn iske asyrý maqsatyndaǵy máselelerdi ońtaıly sheshýge arnalǵan jıynǵa otandyq jáne sheteldik jol salasynyń bilikti mamandary qatysyp otyrǵanyn aıtty.
Jıyn aıasynda reseılik jol qurylysy salasyndaǵy mamandar betondy jyldyń sýyq mezgilinde tóseýge arnalǵan erekshe qospany tanystyrdy. Bul materıal elimizdiń klımatyna yńǵaıly jáne jol qurylysy maýsymyn uzartýǵa edáýir septesedi. Atalǵan qospany qoldaný arqasynda jol qurylysyn júrgizetin kompanııalar kún sýytqan kezeńde de jol jabynyn esh kedergisiz sapaly túrde tóseýge múmkindik almaq.
«Qazaqstan jol ǵylymı-zertteý ınstıtýty» AQ prezıdenti Arman Alıbaevtyń aıtýynsha, basqosýda birqatar kelisimge qol jetkizilip, jol-qurylysy jumystarynyń sapasyn arttyrý baǵytynda ınnovasııalyq jańashyldyqtardy qoldaný aıasy artty.
Semınar-trenıng jumysy «jer qyrtysynyń tómengi qabaty jáne negizi», «jol jabyny», «joldy kútip ustaý jáne jóndeý», «joldaǵy qaǵıdalar men jol qozǵalysynyń qaýipsizdigi», «kópir qurylysy jáne ony jóndeý jumystary kezinde qoldanylatyn materıaldar men jańa tehnologııalar» baǵyttary boıynsha júrgizildi. Ár bólimde jol ınfraqurylymy men nysanynyń qyzmet kórsetý merzimin uzartýǵa jáne onyń ónimdilik sıpattamalaryn jaqsartýǵa septesetin ınnovasııalyq materıaldar men qurylys jumystaryn jyldamdatýǵa yqpal etetin zamanaýı tásilder jan-jaqty qarastyryldy.
Jambyl oblystyq jolaýshylar kóligi jáne avtomobıl joldary basqarmasynyń basshysy Baqytjan Jánibekov óz óńirindegi jol sapasynyń jaǵdaıyna toqtalyp, jıynnan mol aqpar alǵanyn aıtady.
«Birinshi másele – joldyń ylǵaldanýy. Osynyń saldarynan aýyr júk kólikteriniń salmaǵyna shydamaı merziminen buryn buzylyp jatady. Oblystyń jergilikti joldary men eldi meken kóshelerindegi joldarǵa búginge deıin 16 mlrd teńge qarjy bólinip otyr. Normatıvtik sáıkestigi 95 paıyzdy qurasa, onyń ishinde jaqsy jaǵdaıdaǵy jol – 45%, al 50%-y qanaǵattanarlyq jaǵdaıda. Bolashaqta 97 paıyzǵa deıin jetkizý josparlanyp otyr. Prezıdentimiz aıtqandaı, joldyń jaǵdaıyna kóńil bólip, sapasyn arttyrý maqsatynda osy semınarǵa kelip otyrmyz», deıdi ol.
«Jol qurylysyndaǵy ınnovasııalyq tehnologııalar men materıaldar» semınar-trenıngi jol-qurylysy uıymdary men isker top ókilderiniń ózara tyǵyz qarym-qatynas ornatýyna eleýli yqpalyn tıgizdi. Aıta keterligi, joldyń tósenishtik qabatynyń beriktigin qamtamasyz etetin materıaldar kópshilik tarapynan qyzyǵýshylyq týǵyzdy. Sonymen qatar jol bıtýmynyń sapasyn arttyryp, onyń Qazaqstannyń túrli klımattyq jaǵdaılaryna beıimdigin qamtamasyz etetin modıfıkasııalyq asfaltbeton jabynyna da mamandar yqylasy aýdy.
Qazaqstan ónerpazdary «Teatr barysyn» anyqtaıdy
Sport • Búgin, 12:08
Nurbah Rústemov qyzmetinen bosatyldy
Qoǵam • Búgin, 11:51
Kım Chen Yn taq muragerin tańdady
Álem • Búgin, 11:47
Qazaqstannyń Rýmynııa jáne Slovenııadaǵy elshileri taǵaıyndaldy
Taǵaıyndaý • Búgin, 11:45
Elordadaǵy Beısekova kóshesi erteńnen bastap jabylady
Qoǵam • Búgin, 11:33
Iýta shtaty jasóspirimderdiń áleýmettik jelige kirýine shekteý qoıdy
Álem • Búgin, 11:22
Uqsas jańalyqtar
