Ekpeniń qutysyn almastyryp alǵan

Osydan keıin ǵana mantýdyń ornyna balalarǵa týberkýlez­ge qarsy BSJ ekpesin salyp jibergeni belgili bolǵan. Qa­te­lik jasaǵan qyzmetkerler balalardyń ata-analaryna shý kótermeýdi surap, irińdegen qoldaryn tańyp bergen. So­ǵan qaramastan ata-analar ob­­lys­tyq densaýlyq saqtaý bas­qarmasyna shaǵymdandy. Ob­lys­tyq prokýratýra qyl­mystyq is qozǵady.

Aqtóbe oblysynda bolǵan jaǵdaı boıynsha oblystyq densaýlyq saqtaý bas­qarmasy túsinik berdi. Basqarma basshysy Rústem Isaevtyń habarlaýynsha, qazir osy óres­kel qatelik boıynsha qu­ra­myna sanıtarlyq-epı­de­mıo­logııalyq qyzmet, pedıatr, ımmýnolog dárigerler kiretin komıssııa quryldy. Odan ózge oblystyq bilim basqarmasy Medısınalyq qyzmetti ba­qylaý komıtetine shaǵym tú­sirdi. Bul jaqtan da táýelsiz sarapshylar men ata-analar komıssııamen birge ju­mysyn bastady.

«13 qyrkúıekte №74 mek­teptiń 1-synybynda oqıtyn 61 balaǵa josparǵa sáıkes mantý ja­salýy kerek edi. Mantý – dıag­­nostıka, BSJ revaksınasy sa­lynbas buryn bala aǵzasynda týberkýlez taıaqshasynyń bar-joǵyn anyqtaıdy. Bul joly sol synyptaǵy 11 balanyń ata-anasy ekpege ruqsatyn bermeıdi, balalar dárigeri 8 oqýshyny taǵy bosatady. Alaıda medbıke prosedýralyq bólmede mantý men BSJ qutylaryn shatastyryp alǵan. Mantýdyń qutysy kishkentaı, ishinde suıyqtyǵy bar, al BSJ untaq túrinde bolady da, ony egý aldynda aralastyrady. Mantýdyń ornyna BSJ salǵany balalardyń qoldary isip ketkennen keıin 15 kúnde belgili boldy», dedi ob­lystyq densaýlyq saqtaý bas­qarmasynyń basshysy Rústem Isaev.

Qaladaǵy №74 mektep oqý­­­shylaryna medısınalyq qyz­­met kórsetýdi «Medıkýs-sentr» ortalyǵy júzege asy­­rady. Osy mekeme 2022 jylǵa jergilikti bıýdjetten 600 mln teńge memlekettik tap­syrys alǵan. Mantýdyń or­nyna týberkýlezge qarsy ekpe salynǵan balalardyń jaǵ­daıyn qazir dárigerler jiti baqylap otyr. Bir jarym aıdan soń jaǵdaıy qalypqa túsedi deıdi. «Álsiz týberkýlez shtamynan jasalatyn BSJ ekpesi ókpe dertin qozǵamaıdy, kerisinshe týberkýlezge ımmýnıtet qalyptastyrady. О́z ju­mysyna salǵyrt qaraǵan ba­lalar dárigeri men mektep med­bı­kesi jumystarynan bosatyldy», dedi densaýlyq saqtaý bas­qar­masynyń basshysy.

О́reskel qatelik jibergen bala dárigeriniń 34 jyl eń­bek ótili bolsa, qutylardy shatas­tyr­ǵan medbıke 10 jyldan astam óz salasynda eńbek etip kelgen, osy mektepke kelgenine úsh jyl bolǵan. Qazir zardap shekken oqýshylar qunarly ta­maqpen qamtamasyz etilip, dárýmender berildi. 42 balanyń aǵzasy bir jarym aıdan soń qalypqa keledi dep boljam jasap otyr dárigerler. Osy jyldyń sońynda №74 mektep «Medıkýs-sentr» jeke em­hanasynyń qaraýynan aly­nyp, Qarǵaly qalalyq aýrý­hanasynyń qaramaǵyna kó­shirile­di.

Aqtóbe oblysy