Bul derekterdi ýnıversıtet rektory Janar Temirbekova 2021-2022 oqý jylynda atqarylǵan is-sharalar týraly ujymnyń jáne qoǵam aldynda bergen esebinde keltirdi. Túrkistan oblysynyń qurmetti azamattary, qoǵam belsendileri, oblystyq máslıhat depýtattary, BAQ ókilderi, ýnıversıtet ujymy men stýdentter qatysqan eseptik jıynda Janar Temirbekova akademııalyq, ǵylym, medısına, áleýmettik, sharýashylyq jáne ózge de baǵyttarda atqarylǵan aýqymdy sharalar týraly aqparat berdi. Atap aıtqanda, 2021-2022 oqý jylynda bakalavrıat, magıstratýra, doktorantýra, rezıdentýra deńgeıin qosa alǵanda, 21 bilim berý baǵdarlamasy jańartylǵan. Bilimniń qaınar kózi – ýnıversıtet kitaphanasynyń qoryn tolyqtyrý úshin bıýdjetten 61 mln teńgeden astam qarjy bólinip, jańa oqýlyqtar satyp alyndy. Sondaı-aq elektrondy kitaphana júıesiniń jumysy jandana túsken. Jeke klınıkasy bar birden-bir oqý ornyndaǵy klınıka-dıagnostıkalyq ortalyqtyń materıaldyq-tehnıkalyq bazasy jańartylyp, sheteldik mamandarmen tájirıbe almasý, dárigerlerdiń bilimin arttyrý úshin shetelge jiberý jumystary jyl boıy júrgen.
Atqarylyp jatqan aýqymdy jumystardyń nátıjesinde bilim ordasy Quacquarelli Symonds (QS) Emerging Europe and Central Asia (EECA) University Rankings reıtınginde birden 45 pozısııaǵa alǵa jyljyp, 2020 jylǵy 175-shi orynnan 2021 jyly 130-shy orynǵa kóterildi. Sondaı-aq alǵash ret Qs World University Rankings 2023-ke alǵash ret enip, 714-shi orynǵa jaıǵasty. Osylaısha, ýnıversıtet 2026 jylǵa qoıǵan mejege ýaqytynan buryn qoljetkizdi. О́tken oqý jylynda sharýashylyq qyzmettin retteýge de kóp mán berilgen. Ýnıversıtet ǵımarattary men jataqhanalardyń shatyrlary tozyǵy jetip, ishke sý ótetin bolǵandyqtan, 40 jylǵa jaramdy jańa materıaldarmen qaıta jabyldy. Stýdentter úıiniń bireýi tolyq jóndeýden ótip, jıhazdary jańartylsa, taǵy bireýi jartylaı jóndeýden ótken. Budan ózge de jóndeý, tozǵan materıaldardy qaıta jańǵyrtý jumystary kóp.
Jalpy, ýnıversıtette bir jylda atqarylǵan jumystar aýyz toltyryp aıtarlyq. Muny rektor esebin tyńdaýǵa kelgen qurmetti qonaqtar men oqytýshylar da atap ótti. Oblystyń tynys-tirshiligimen tanys, qoǵamda oryn alyp júrgen jaǵdaılarǵa únemi ún qosyp júretin ardagerler oqý ornynyń jumysyna joǵary baǵasyn berip, aqjarma tilekterin arnady.
