Sonymen qatar Oqý-aǵartý mınıstri bilim berý kontentin qazaq tilinde ilgeriletýdiń mańyzdylyǵyn atap ótti.
Facebook, Instagram jáne WhatsApp sııaqty áleýmettik jeliler amerıkandyq «Meta» kompanııasynyń quramyna kiretinin eske sala keteıik.
«Qazaqstandyq muǵalimder áleýmettik jelilerdi belsendi paıdalanady. Mysaly, Facebook-te bizde bir muǵalim ustazdar tobyn qurǵan, onda búginde 180 myńnan astam qatysýshy bar. Al bul - Qazaqstannyń barlyq muǵalimderiniń jartysy. Bul Facebook-tegi tek bir top qana. Onda muǵalimder talqylaýlar júrgizip, jańalyqtarmen bólisedi, oqýshylardy oqytý men zertteýler boıynsha mı shabýylyn ótkizedi, problemalyq máselelerdi kóteredi. Sondaı-aq bizde Instagram kómegimen belgili bir oqý pánder týraly aıtatyn belsendi pedagogter de bar. Osylaısha, olar bilim men ǵylymdy nasıhattaıdy, oqýshylardyń qyzyǵýshylyǵyn arttyrady. Biz úshin memlekettik tilde bilim berý kontentin qurý basymdyq bolady. Qazaq tili men bilim berý aqparatyn memlekettik tilde ilgeriletýde bizdiń yntymaqtastyǵymyz jemisti bolatynyna senim bildiremin», dedi Oqý-aǵartý mınıstri Ashat Aımaǵambetov.
О́z kezeginde Djordj Chen qazaqstandyq pedagogter men ata-analardyń áleýmettik jelilerdegi belsendiligin atap ótip, olar úshin arnaıy trenıngter ótkizýdi usyndy.
«Oqýshylardy, muǵalimderdi jáne ata-analardy oqytatyn bizde arnaıy komanda jumys isteıdi. Balalarǵa arnalǵan kontent te bar. Aǵylshyn tilin, qazaq tilin úırenýge, qazaq tilinde bilim berý kontentin jasaýǵa arnalǵan barlyq resýrstar bar. Biz muǵalimderge aqparattyq resýrstardy qalaı paıdalaný kerektigin úıretý boıynsha trenıngter uıymdastyramyz. Muǵalimder úshin sıfrlyq baǵdarlamalar jasap jatyrmyz, sondaı-aq olardyń arasynda ashyq dıalogtar jarııalanatyn ata-analarǵa arnalǵan platformamyz bar. Ár el úshin baǵdarlamalardy bólek jasaımyz. Biz bilim berý salasynda qandaı kontentti bergen durys ekenin tańdaı alamyz», dedi «Meta» kompanııasynyń memlekettik organdarmen baılanys jónindegi óńirlik basqarýshy dırektory Djordj Chen.
Kezdesý qorytyndysy boıynsha taraptar jańa bilim berý jobalaryn odan ári ilgeriletý týraly kelisti.
