Mýzyka keshinde...

Jalpy, fransýz mádenıetiniń álemdik órkenıettegi alar orny erek. Al fransýz áni – tarıhy tereń mýzykalyq mádenıettiń biri. Máselen, Fransııanyń ult­tyq operasy XVII ǵasyrdyń ortasynda qalyptasyp, sodan beri álemdik mýzyka qazynasyna san­daǵan jaý­har syılady.

Kesh barysynda Qazaq­stannyń eńbek sińirgen qaırat­kerleri Bıbi­gúl Januzaq (soprano), Azamat Jyl­tyrkózov (barıton), Mýzyka aka­demıgi Saıda Kalykova (forte­pıano), «Daryn» memlekettik jas­tar syılyǵynyń laýreaty Al­tyn­bek Ábilda (barıton), ha­lyq­ara­lyq baıqaýlardyń laýreattary Áı­ge­rim Amanjolova (soprano), Tal­­ǵat Allabırınov (tenor), Al­­tyn­­bek Arystanbek (tenor), Fı­rýza Rahmetova (soprano) óner kór­set­ti. Al konsertmeıster – Roza Shot­qa­lıeva. Azamat Jyltyrkózov fran­­sýz mýzykasynyń keshin da­ıyn­­­daý­ǵa kóp kúsh jumsalǵanyn atap ótti.

«Baǵdarlama fransýz mýzy­ka­synyń sulýlyǵy men baı­lyǵyn kórsetý úshin arnaıy tańdaldy. Bızeniń «Karmeni» barshaǵa tanys, ol áli kúnge deıin mıllıondaǵan adamnyń súıikti operasy sanalady. Konsertte, sondaı-aq túrli kóńil kúıdi, názik psıhologııalyq kúılerdi jetkizý erekshe mańyzdy bolǵan ımpressıonıster Ravel men Debıýssıdiń týyndylary boldy. Odan bólek, kórermen lırıka­lyq jáne qushtarlyq áýenderiniń avtory «áıel ataýlysynyń aqy­ny» Massneniń de shyǵarmala­ryn tyńdady. Al Pýlenktiń mýzyka­synda Parıjdik boıaý erekshe esti­ledi. Iаǵnı fransýz shansonymen baılanysy bar», deıdi ónerpaz.