«Bir sózben aıtqanda, eńbekqorlyq – qazirgi zamanda bizge asa qajet qundylyq. Osy qaǵıdany keńinen dáripteýimiz kerek. Meniń muny Semeı tórinde turyp aıtýymnyń ózindik sebebi bar. О́ıtkeni, bul – árdaıym jas urpaqty jaqsylyqqa, jańashyldyqqa jetelegen jer.
Meniń Úndeýim elimizdegi árbir jastyń júregine jetedi dep senemin. Shyn máninde, qazir – bilim men ǵylym saltanat qurǵan zaman. Muny dáleldeýdiń esh qajeti joq. Álemdik ekonomıkada joǵary tehnologııalyq ónimderdi jasap shyǵaratyn kompanııalar alǵa shyqty. Bul – ǵylym keleshektiń bet-beınesin anyqtaıdy degen sóz», dedi Memleket basshysy.
Osy oraıda ol tyń ıdeıa men ozyq oı kez-kelgen salany órkendetetinin aıtty.
«О́skeleń urpaq bilimge, ǵylymǵa qushtar bolýy kerek. Osyny jan-jaqty dáripteýge memleket qana emes, búkil qoǵam jáne árbir azamat atsalysýǵa tıis. О́rkenıetti memleketti tek bilimdi azamattar ǵana qalyptastyra alady», dedi Prezıdent.
Budan soń, ol jýyrda Nıý-Iorkke saparynda AQSh-ta jumys istep júrgen jastarmen kezdeskenin eske saldy.
«Olar bilim alýǵa degen ynta-jigeri men eńbekqorlyǵynyń arqasynda álemniń ár túkpirinde tabysqa jetip júr. Mine, osyndaı jastardy úlgi tutý qajet», dedi Q.Toqaev.
