Halyq qaharmany, polkovnık Qaırat Úmbetov bastaǵan Ishki ister mınıstrligi men Ulttyq ulannyń aqparattyq-nasıhattaý toby Uly Otan soǵysynyń ardagerine qurmet kórsetti.
«Ulttyq ulan áskerı orkestri úıdiń aýlasynda soǵys jyldaryndaǵy ánderdi oınady. Orkestrdiń súımeldeýimen ardager Ivan Fedorovıchke ishki ister mınıstrligi men Ulttyq ulan Bas qolbasshysynyń alǵys hattary, sondaı-aq baǵaly syılyqtar tabys etildi», delingen habarlamada.
Sodan keıin ardager áskerılerdi úıine shaıǵa shaqyryp, óziniń ómir joly týraly aıtty.
27 qyrkúıekte Ivan Fedorovıch óziniń 88 jyldyq mereıtoıyn atap ótti. Ol eńbek jolyn 7 jasynan kolhozda buzaýlardy baǵýǵa jáne kókónis kóshetterin kútýge kómektesýden bastady.
1954 jyly 1 qyrkúıekte KSRO Qarýly Kúshterine shaqyrylyp, 33 jylǵa jýyq qyzmet etti.
1992 jyldan 1996 jylǵa deıin 6638 áskerı bóliminiń ardagerler keńesiniń tóraǵasy boldy.
«Búgin respýblıkalyq týr aıasynda biz qaza tapqan ınternasıonalıst jaýyngerlerdi eske alamyz. Kórip otyrǵanyńyzdaı, tas taqtada qaza tapqandardyń esimderi túsip, soǵystyń naqty sýretteri beınelengen. Mundaı is-sharalar belgili bir kúnderde ǵana emes, jıi ótkizilýi kerek. О́skeleń urpaqty qazaqstandyq patrıotızm jáne konstıtýsııalyq boryshqa adaldyq rýhynda tárbıeleý bizdiń basty basymdyǵymyz. Sondyqtan beıbitshilik pen tynyshtyq jolynda ózin qurban etkenderge taǵzym etemiz», dedi Halyq qaharmany.
