Aımaqtar • 02 Qazan, 2022

Kókshedegi jármeńke

54 ret kórsetildi

Jyldaǵy dástúrmen Kókshetaýda aýyl sharýashylyǵy jármeńkeleri óte bas­tady. Aýdandardaǵy sharýashylyq ókilderi oblys ortalyǵyna jalpy quny 68 mln teńge bolatyn 65 tonna ártúrli ónim ákelip, saýda kórigin qyzdyrdy.

Qala turǵyndary tańerteń jár­meń­ke ótetin Táýelsizdik alańyna qaraı aǵyldy. Bul joly Zerendi, Aqkól, Birjan sal tárizdi jeti aýdan men «Kókshe» ÁKK» AQ júzge jýyq óndi­rýshileriniń saýda sóresine shy­ǵarǵan azyq-túlik taýarlarynyń sapasy da, baǵasy da kóp kóńilinen shyqty. 29 tonnaǵa jýyq et jáne et-shujyq ónimderi, 1,5 tonna balyq, 130 myń dana jumyrtqa, 6 tonnadan astam sút pen sút ónimderi, un, kartop, kókónis tárizdi uzyn-yrǵasy qyryqqa jýyq ónim túrleri usynyldy.

– Jármeńkedegi ónimniń baǵasy naryqtyq baǵadan ájeptáýir arzan, – deıdi qala turǵyny Esenbaı Qonysbaev. – Máselen, sıyr etiniń bir kılosy 2 myń teńgeden, súttiń bir lıtri 200-250 teńgeden satyldy. Al kartoptyń bir kılosyn nebári 80 teńgeden alýǵa bolady. Qala turǵyndaryna kóp-kórim kómek. Ári-beriden soń aýyl eńbekkerleriniń qala turǵyndaryna qol ushyn berýi el ishindegi bekem birlikti kórsetedi. Ishken-jegen túske jetpegenimen, azyq-túliktiń baǵasy aspandap turǵanda, arzan ónimmen dastarqanymyzdy maı­laǵan sát esimizde júredi ǵoı.

Jármeńkede turmystyq taýarlar da satyldy. El ishindegi qolóner sheberleriniń aǵashtan jasaǵan túrli buıymdary, teri jáne jún ónimderi, tipti qalalyqtar zárý bolyp otyrǵan otyn, mal jemi, shóp te bar. Bul jolǵy jármeńkeniń qyraýly qystyń aldynda uıymdastyrylýy halyqqa birshama paıdaly bolǵany sózsiz. Taǵy bir aıta keterligi, jármeńkede jurtqa usynylǵan ónimderdi dúken sórelerinen keziktire almas edińiz. Sol jaǵynan da utymdy ári naryq baǵasynan 15-20 paıyzǵa tómen.

– Osy jolǵy jármeńkege kelgen adam­dar óte kóp boldy, – deıdi Kókshe­taý qalasy ákiminiń orynbasary Azamat Ysqaqov. – Al kele almaǵandar bolsa, aldaǵy ýaqytta da birneshe osyndaı sha­ra ótkizetinimizdi el esine salǵym ke­ledi. Barymen bólisip jatqan aýyl sharýa­shylyǵy qurylymdaryna myń alǵys.

Qońyr kúzdegi surǵylt tartqan Kókshetaý aspanyn shýly jármeńkeden býsanyp shyǵyp jatqan jan jylýy jylytyp turǵandaı.

 

KО́KShETAÝ

Sońǵy jańalyqtar

Aıtyp kelgen apat

Aımaqtar • Keshe

«Myń bala» jeńimpazdary

Rýhanııat • Keshe

Aqıqattyń aı dıdary – baspasóz

Egemen Qazaqstan • Keshe

Yntymaqtastyq yqpaly

Ekonomıka • Keshe

Jańa formattaǵy saýda

Ekonomıka • Keshe

Jótelge jeńil qaramańyz

Medısına • Keshe

Kókjardaǵy modýldi medpýnkt

Medısına • Keshe

Bitimgershilik sardarlary

Qazaqstan • Keshe

Jyp-jyly júrek býyndaı

Ádebıet • Keshe

Daýystyń da túsi bar

Ádebıet • Keshe

Talantty ánshige taǵzym

О́ner • Keshe

Uqsas jańalyqtar