Taǵaıyndaý • 03 Qazan, 2022

Almaty oblysy ákiminiń orynbasary taǵaıyndaldy

71 ret kórsetildi

Raýan Raqymbekov Almaty oblysy ákiminiń orynbasary bolyp taǵaıyndaldy, dep habarlaıdy Egemen.kz.

«Almaty oblysy ákiminiń ókimimen jáne Qazaqstan Respýblıkasy Prezıdenti Ákimshiliginiń kelisimimen Raýan Turdanǵazyuly Raqymbekov Almaty oblysy ákiminiń orynbasary bolyp taǵaıyndaldy», dep habarlady oblys ákimdiginiń baspasóz qyzmeti.

Raýan Raqymbekov 1980 jyly dúnıege kelgen. 2001 jyly I.Jansúgirov atyndaǵy Jetisý memlekettik ýnıversıtetin ekologııa jáne tabıǵatty paıdalanýdy basqarý mamandyǵy boıynsha, 2008 jyly osy oqý ornynda qarjy mamandyǵyn ıgergen.

Eńbek jolyn 2002 jyly «Qaınar» AAQ monoblokty quıý sehynda qoımashy bolyp bastady. Osy jyldar ishinde Taldyqorǵan qalalyq turǵyn úı-kommýnaldyq sharýashylyq bóliminiń jetekshi mamany, Taldyqorǵan qalasy ákiminiń keńesshisi, Taldyqorǵan qalasy О́tenaı aýyldyq okrýginiń ákimi, Tekeli qalasy ákiminiń orynbasary, Taldyqorǵan qalasy ákiminiń orynbasary boldy.

2021 jyldyń sáýirinen ​​Qazaqstan Respýblıkasy Prezıdenti Ákimshiliginiń memlekettik ınspektory qyzmetin atqardy.

Sońǵy jańalyqtar

Uqsas jańalyqtar