Ádebıet • 03 Qazan, 2022

«Abaı joly» romany ázerbaıjan tilinde jaryq kórdi

66 ret kórsetildi

Halyqaralyq Túrki akademııasy Almaty qalasynda ótip jatqan Muhtar Áýezovtiń 125 jyldyq mereıtoıyna arnalǵan «M.O. Áýezov murasy jáne álemdik órkenıet» atty halyqaralyq ǵylymı-praktıkalyq konferensııa aıasynda «Abaı joly» roman epopeıasynyń ázerbaıjan tilindegi jańa basylymyn tanystyrdy, dep habarlaıdy Egemen.kz.

Alǵash ret roman 1954 jyly baýyrlas ázerbaıjan tilinde aýdarylyp, Baký qalasynda jaryq kórgen edi. Bıyl Túrki akademııasy «Abaı» romanyn tolyqtaı qazirgi ázerbaıjan álipbıine túsirip, zańǵar jazýshynyń 125 jyldyq mereıtoıyna oraı basyp shyǵaryp otyr.

Ázerbaıjan oqyrmandarymen qaıta qaýyshqan roman-epopeıa Ázerbaıjan Respýblıkasynyń kitaphanalary men ǵylymı uıymdaryna taratylady.

Aıta ketsek, romanda uly aqyn Abaı Qunanbaıulynyń ómiri arqyly qazaq halqynyń keńestik kezeń qarsańyndaǵy bútin bir dáýiri jan-jaqty beınelengen. Atalǵan týyndy álemniń 120-dan astam tiline tárjimalanǵan.

«Dostyq úıinde» ótken alqaly jıynǵa M.O.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov, memleket jáne qoǵam qaıratkeri, jazýshynyń uly Murat Áýezov, Halyqaralyq Túrki akademııasynyń Turaqty hatshysy Ashat Kesikbaev, AQSh-tyń Almatydaǵy Bas konsýly Kerolaın Sevıdj, Almaty qalasy ákiminiń orynbasary Arman Qyryqbaev, kórnekti folklortanýshy, akademık Seıit Qasqabasov, Halyq jazýshysy Oljas Súleımenov,  «M.O. Áýezov úıi» ǵylymı-mádenı ortalyǵynyń  dırektory Dııar Qonaev, F.M. Dostaevskıı ádebı-memorıaldyq mýzeıiniń dırektory Natalıa Ashımbaeva,  Nızamı atyndaǵy Pedagogıkalyq ýnıversıtetiniń professory Qaldybek Seıdanov, Baký Slavıan ýnıversıtetiniń professory Nızamı Mamedov, Pech ýnıversıtetiniń professory Valentına Vegvarı, sonymen qatar Ázerbaıjan, Qyrǵyzstan, Majarstan, Nıderlandy, Ońtústik Koreıa, О́zbekstan, Reseı jáne basqa elderdiń jetekshi ǵalymdary, jazýshylar, zııaly qaýym ókilderi, zertteý ınstıtýttarynyń ǵylymı qyzmetkerleri, oqytýshylar men jas ǵalymdar qatysty.

e

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar