Taǵaıyndaý • 03 Qazan, 2022

Mańǵystaý oblysy ákiminiń orynbasary taǵaıyndaldy

66 ret kórsetildi

3 qazanda óńir basshysy Nurlan Noǵaev oblys aktıvine QR Prezıdenti Ákimshiligimen kelisilgen óziniń jańa orynbasarynyń kandıdatýrasyn tanystyrdy, dep habarlaıdy Egemen.kz.

Buǵan deıin Aqtaý qalasynyń ákimi qyzmetin atqarǵan Nurdáýlet Qılybaı oblys ákiminiń orynbasary bolyp taǵaıyndaldy.  

Nurdáýlet Qılybaı Qazaq kólik jáne kommýnıkasııa akademııasyn jáne L.Gýmılev atyndaǵy Eýrazııa ulttyq ýnıversıtetin «Temir jol kóligimen tasymaldaýdy uıymdastyrý» jáne «Qarjy jáne qarjy quqyǵy» mamandyqtary boıynsha bilim alǵan.

Eńbek jolyn 1999 jyly Atyraý tasymaldaý bólimshesiniń stansııalary boıynsha kezekshi bolyp bastaǵan.

2000 jyldan 2002 jylǵa deıin «Astana» stansııasynyń kirme joldary boıynsha júkterdi qabyldap-tapsyrýshy, aǵa qabyldap-tapsyrýshy boldy.

2002 jyldan 2005 jylǵa deıin «Qazaqstan Temir Joly Ulttyq kompanııasy» AQ Magıstraldyq jeli dıreksııasynyń bas mamany, bólim bastyǵy qyzmetin atqardy.

2005 jyldan 2009 jylǵa deıin Qazaqstan Respýblıkasy Kólik jáne kommýnıkasııa mınıstrligi Ekonomıka jáne tarıftik saıasat, temirjol kóligi basqarmalarynyń bastyǵy, Kólik jáne qatynas joldary komıteti tóraǵasynyń orynbasary boldy.

2009 jyldan 2010 jylǵa deıin «Vokzal Servıs» AQ prezıdenti, «Qazaqstan Temir Joly «Ulttyq kompanııasy» AQ Jolaýshylar tasymaly jónindegi basqarýshy dırektory.

2010 jyldan 2011 jylǵa deıin Qazaqstan Respýblıkasy Kólik jáne kommýnıkasııalar mınıstrligi Kólik jáne qatynas joldary komıtetiniń tóraǵasy.

2011-2012 jyldary - «Qazaqstan Temir Joly «ulttyq kompanııasy» AQ prezıdentiniń keńesshisi, «Qazaqstan Temir Joly «Ulttyq kompanııasy» AQ - «Mańǵystaý jol bólimshesi» fılıalynyń dırektory.

2012 jyly Qazaqstan Respýblıkasy Kólik jáne kommýnıkasııalar mınıstrliginiń Kólik jáne kommýnıkasııalar qatynastar joldary komıtetiniń tóraǵasy bolyp taǵaıyndaldy.

2013 jyldan 2017 jylǵa deıin «QTJ «UK» AQ Basqarýshy dırektory-apparat basshysy, «Jolaýshylar tasymaly» AQ Basqarma tóraǵasy.

2017 jyldan 2018 jylǵa deıin «Temirjolsý» aksıonerlik qoǵamynyń prezıdenti, bas dırektory, «Temirjolsý» AQ Basqarma Tóraǵasy.

2018 jyldan 2020 jylǵa deıin Mańǵystaý oblysy ákiminiń orynbasary. 2020 jyldyń maýsymynan búgingi kúnge deıin Aqtaý qalasynyń ákimi.

Nurlan Noǵaev Mańǵystaý oblysynyń áleýmettik-ekonomıkalyq damýyna qatysty jańa orynbasarǵa birqatar naqty tapsyrma berdi.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar