Álem • 03 Qazan, 2022

Kabýldaǵy jarylysta qaza tapqandar sany artty

36 ret kórsetildi

Juma kúni Kabýldyń batysyndaǵy bilim berý ortalyǵynda bolǵan jarylystan zardap shekkenderdiń sany 43-ke jetti, taǵy 83 adam jaraqat aldy. Bul týraly dúısenbide BUU-nyń Aýǵanstanǵa járdemdesý jónindegi mıssııasy habarlady, dep jazady Egemen.kz TASS-qa silteme jasap.

«Jarylystan qyzdar men jas áıelder kóp zardap shekkeni habarlandy. Qurbandardyń sany odan da artýy múmkin. Kabýldaǵy BUU-nyń Adam quqyqtary jónindegi komandalary tekserý prosesin jalǵastyrýda», delingen mıssııanyń Twitter paraqshasynda.

Buǵan deıin BUU 35 adam qaza taýyp, 82 adam jarylystan zardap shekkenin habarlanǵan edi.

30 qyrkúıekte Ariana News telearnasy qalanyń batysyndaǵy Dasht-e Barchı aýdanyndaǵy «Kadj» bilim berý ortalyǵynda jarylys bolǵanyn habarlady. IIM-niń Talıban Úkimetindegi ókili Abdýl Nafı Tahora jarylys týraly aqparatty rastady.

Sońǵy aılarda Aýǵanstannyń keıbir provınsııalarynda, sonyń ishinde astanalyq aımaqta birqatar jarylystar, qarýly shabýyldar men atystar oryn aldy.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar