Qazaqstan • 03 Qazan, 2022

Kúzgi naýqan aıaqtalyp qaldy

80 ret kórsetildi

О́ńir dıqandary 4 mln 700 myń tonnadan astam astyq bastyryp aldy. Bıyl jaýyn-shashynnyń az túskenine qaramastan, jer yrysy mol bolyp, bıdaı bitik shyqty. Jalpy ónim kólemi byltyrǵy kórsetkishten 1,7 mln tonnaǵa artyq. Astyqtyń shyǵymdylyǵy gektaryna 12 sentnerge jýyqtaıdy. Jekelegen alqaptarda bul kórsetkish gektaryna 18-20 sentnerge deıin jetedi.

Oblystyq aýyl sharýa­shy­lyǵy já­ne jer qatynastary basqarmasynyń má­li­metinshe, búginge deıin alqaptaǵy as­tyq­tyń 99,2 paıyzy orylǵan. Sharýa­shylyqtardyń deni jer yryz­dyǵyn ysyrapsyz jınap alyp, kombaındaryn qańtaryp qoıdy. Al Jitiqara, Qamysty, Qarabalyq, Qostanaı, Meń­diqara, Sarykól, Uzynkól aýdandarynda sońǵy qalǵan 2-3 myń gektar astyqty jınap alý jumystary aıaqtalaıyn dep qaldy.

Qostanaı aýdanyna qaras­ty Maıkól aýylyndaǵy sharýa­shy­lyq bıyl kók­temde 3,5 myń gektar jerge dán sińiripti. Eginniń shy­ǵymy jaman emes. Gektaryna 12-13 sent­nerden kelip tur. Bul ala jazdaıǵy dıqan­dardyń tynymsyz eńbeginiń nátıjesi ekeni sózsiz. Sharýashylyqta qazir sońǵy qalǵan 300 gektardaı jerdiń astyǵyn tórt kombaın toqtaýsyz oryp jatyr.

– Bıylǵy jaz jańbyrsyz boldy deýge bolady. Bir-aq ret durystap turyp jaýdy. Odan keıin kún ystyq, ylǵal óte tap­shy boldy. Alaıda agrotehnologııa talaptaryn saqtaýdyń nátı­jesinde mol ónimge qol jet­­kizdik. Sapaly tuqym, ony ýaqytynda sebý, topy­raqty hımııalyq óńdeýden ótkizý, ty­ńaıtý, zııankesterge qarsy kúres, osynyń bári óz nátıjesin berdi. Endi 300-deı gektar qal­dy. Sońǵy aptada kún raıy bu­zylyp, ju­mys toqtańqyrap qa­lyp edi, aýa raıy ashyla salyp qaı­ta shyqtyq. Aýa raıy kedergi bolmasa, alqap­taǵy jumysty aldaǵy bir-eki kúnniń ishinde aıaqtaýdy josparlap otyrmyz. Bıdaıdyń sapasy da óte jaqsy – 3-suryp. О́nimniń qamyrlylyǵy da joǵary: otyz besten bastalyp, qyryqqa deıin barady, – deıdi sharýashylyq basshysy Tımofeı Snıgırev.

Oblystyq aýyl sharýashylyǵy basqar­masynyń bas mamany Ken­je Juman­dyqovtyń aıtýynsha, oblystaǵy astyq qoı­malaryna 8,3 mln tonnaǵa deıin ónim syıa­dy. Bıyl alynǵan ónimniń bári astyq qabyl­daý pýnkteri men aýylsharýashylyq taýarlaryn óndirýshilerdiń qoımalarynda saqtalady.

– Kúzgi astyq jınaý jumys­taryna for­vardyq satyp alý baǵdarlamasy boıynsha «Azyq-túlik kelisimshart korporasııa­sy» ar­qyly 36,1 mlrd teńge bó­lingen. Endi bul qarjyny dı­qandar kólemi 493 myń tonna astyq tú­rinde qaıtarýǵa tıis. Bıyl as­tyq jınaý naýqany oıdaǵydaı ótti. Jańbyrǵa baılanysty bir-eki kún toqtap qalǵany bolmasa, aıtarlyqtaı qıyndyqtar bolǵan joq. Aýylsharýashylyq daqyldary biryńǵaı pisken joq. О́ıtkeni bıyl jaýyn-shashyn ár jer­de árqalaı boldy. Sondyqtan bir jerde gektaryna 5 sentner berse, ekinshi jerde 20 sentnerge deıin ónim bergen jaǵdaılar boldy. Jalpy, byltyrǵy qýańshy­lyqpen salystyrǵanda, bıylǵy astyq áldeqaıda jaqsy. Jınalǵan bıdaıdyń 95 paıyzy úshinshi klasqa jatady. Bul bıylǵy ónim­niń shyǵymy ǵana emes, sapasy da óte joǵary ekenin kórse­tedi, – dedi Kenje Jumandyqov.

Kún raıy jaqsy bolsa, oblys egin naý­qanyn osy aptada aıaqtap qalýy múmkin. Al maıly da­qyldardyń keıbir túri keshirek pisedi. Bıyl óńirde 748 myń 300 gektar al­qapqa maıly daqyl tuqymy sebilgen. Qazir dı­qandar 403 myń 566 gektardan 220 myń 600 tonna ónim jınap aldy.

 

Qostanaı oblysy

Sońǵy jańalyqtar

Almatyda joǵalǵan oqýshy tabyldy

Qoǵam • Búgin, 11:02

Elimizde 33 gradýsqa deıin aıaz bolady

Aýa raıy • Búgin, 10:17

ShQO-da kólik muz astyna túsip ketti

Oqıǵa • Búgin, 10:08

Búgingi valıýta baǵamy qandaı?

Qarjy • Búgin, 09:10

Elimizde 175 adam koronavırýs juqtyrdy

Koronavırýs • Búgin, 09:06

«Aıboz» darabozdary anyqtaldy

Ádebıet • Búgin, 08:55

Prezıdent quttyqtaýy

Prezıdent • Búgin, 08:50

Eldik nıet

Aımaqtar • Búgin, 08:48

Kezekte – jer úıler

Aımaqtar • Búgin, 08:46

Zań jobasy qaraldy

Saıasat • Búgin, 08:42

Taýarlardy baqylaýdyń ulttyq júıesi

Saıasat • Búgin, 08:40

Tıimdi yntymaqtastyq

Saıasat • Búgin, 08:38

Saıası maman daıarlaý baǵdarlamasy

Ekonomıka • Búgin, 08:32

Jeńistiń bastaýy – halyq

Qoǵam • Búgin, 08:27

Asyl tuqymnyń paıdasy

Aımaqtar • Búgin, 08:24

Berekeli aqbas sıyr

Ekonomıka • Búgin, 08:20

Avtojoldyń san alýan máselesi

Ekonomıka • Búgin, 08:18

Ishki jalpy ónim 4 paıyzǵa ósedi

Ekonomıka • Búgin, 08:14

Bazalyq mólsherleme nege kóterildi?

Ekonomıka • Búgin, 08:12

Inflıasııanyń kezekti tolqyny

Ekonomıka • Búgin, 08:10

Aýrýdyń aldyn alaıyq!

Medısına • Búgin, 08:08

Bilim kókjıegin keńeıtken

Ǵylym • Búgin, 08:06

Sapasyz oıynshyqtyń zalaly

Aımaqtar • Búgin, 08:04

Qaraýsyz mal apatqa uryndyrady

Aımaqtar • Búgin, 08:02

Kólik gazyna ýlanǵan

Aımaqtar • Búgin, 07:59

Qumar oıynnyń qurbandary

Qoǵam • Búgin, 07:56

Sulýlyq sapary

Rýhanııat • Búgin, 07:54

Uqsas jańalyqtar