Sheraǵań – sahna tórinde

Teatr ujymy «Sher-Han» atty jańa spek­takl­di jer­gi­­likti jurt­­shylyqtyń na­za­ry­na usyndy. Daraboz qalam­ger­­diń taǵdyr-ta­la­ıynan syr shertken jańa qoıy­lymdy óńir basshysy Nur­jan Nur­jigitov qala turǵyn­da­rymen birge tamashalady.

Jańa spektakldiń qoıý­­­­shy rejısseri ári ıns­­­­se­nırovka avtory, Shyń­ǵys Aıtmatov atyndaǵy ha­lyq­­aralyq syı­lyq­tyń laý­­reaty Qýandyq Qa­symov bol­sa, qoıýshy-sý­ret­shisi Má­­­­­de­nıet qaı­rat­­keri Qal­­tó­­­re Jumaqulov.

Spektaklde ultjandy ja­zýshynyń taýqymetke to­ly balalyq shaǵy, «ha­lyq jaýynyń» urpaǵy re­tin­de bastan keshirgen qıyn­dyqtar, soǵys kezinde tart­qan taýqymeti, ór tulǵa re­­tindegi ónegeli jo­ly men jan­­­­keshti eń­begi akterlik an­sam­bl­diń sheberligi ar­­­qyly jurt­shylyqtyń jú­re­gine jol tapty.

Sheraǵanyń rólin som­daǵan Qazaqstannyń Eń­bek sińirgen qaı­ratkeri Jú­nis Álimbekov ózine júk­telgen mindetti sátimen oryn­da­ǵany daýsyz. Ol Sher­­­han Murtazanyń obrazyn qaz-qalpynda somdap, kó­rer­menderdi tánti etti. Qys­­qasy, bala Baryshannan bas­tap, daraboz Sherhannyń soqtyqpaly soqpaqqa toly jo­ly túgel qamtylǵan ja­ńa qoıylym kórermen qa­­­ýymǵa unady. Sodan da bol­­­sa kerek, bekzat ónerge ań­­sa­ry aýǵan tarazdyqtar eki kún boıy teatrǵa aǵylyp kelip jatty.

TARAZ