Mınıstrdiń aıtýynsha, Qazaqstan-Reseı shekarasyndaǵy jaǵdaı baqylaýǵa alyndy.
«Reseı Federasııasynyń prezıdenti Vladımır Pýtın ishinara jumyldyrý týraly jarııalaǵan kúnnen, ıaǵnı 21 qyrkúıekten bastap Qazaqstanǵa Reseıdiń 200 myńnan astam azamaty kelip, 147 myń azamaty ketken», dedi Marat Ahmetjanov Úkimet otyrysynda.
Vedomstvo basshysynyń aıtýynsha, qazir ótkizý pýnktterinde jaǵdaı turaqty. 3 qazanda Qazaqstanǵa Reseıdiń 7 myń azamaty kelip, 11 myńǵa jýyq adam ketken.
27 qyrkúıekte Qazaqstan IIM Kóshi-qon qyzmeti komıteti tóraǵasynyń m.a. Aslan Atalyqov Reseı Federasııasynyń 441 azamaty Qazaqstan azamattyǵyna ótinish bergenin, onyń 117-si Reseıden kelgen etnıkalyq qazaqtar ekenin habarlady.
