«Prezıdent saılaýy jarııalanǵannan keıin daıyndyqqa jetkilikti ýaqyt ótti. Búginde saılaý naýqany qarqyn alǵanyn kórip otyrmyz. Úmitkerler usynylyp, partııalar men qoǵamdyq qozǵalystar belsendilik tanytyp jatyr. Ishki saıası ómirdiń jandanǵany kórinip tur», dedi el Prezıdenti Pavlodar oblysynyń jurtshylyǵymen kezdesýde.
Qasym-Jomart Kemeluly búginde Qazaqstan negizgi saıası ınstıtýttardy jańǵyrtatyn jańa elektoraldy kezeńge qadam basqanyn aıtty.
«Biz barlyq negizgi saıası ınstıtýttardy jańǵyrtatyn jańa elektoraldy kezeńge qadam bastyq. О́zderińizge málim, men elimizdegi eń iri AMANAT partııasynyń Tóraǵasy qyzmetinen bas tarttym. Konstıtýsııalyq reforma nátıjesinde Prezıdentke óz ókilettigin atqarý kezinde partııa qatarynda bolýǵa tyıym salyndy», dep qosty Memleket basshysy.
