Amanat partııasy Almaty qalalyq fılıaly atqarýshy hatshysynyń orynbasary Qaırat Bısembaev tuǵyrnamada Qazaqstannyń basty qoǵamdyq kúshiniń bolashaqqa degen kózqarasy, damý baǵdarlary, ustanymdary men saıası maqsattary qamtylǵanyn atap ótti. Onyń aıtýynsha, partııanyń jańa ıdeologııalyq qujaty adamnyń, qoǵam men memlekettiń úılesimdi damýy, olardyń ózara qarym-qatynasy prınsıpine qurylǵan.
Al Almaty qalalyq máslıhatyndaǵy Amanat-tyń depýtaty Bekbol Ramazan tuǵyrnamanyń «Azamattyq qoǵam – damýdyń kepili» taraýyna erekshe toqtaldy. «Osy taraýda «Jastar – el bolashaǵy. Biz belsendi azamattyq ustanymy bar jańasha oılaıtyn jastardyń tyń ıdeıalaryn árqashan qoldaımyz» delinedi. Tuǵyrnamada óskeleń urpaq máselesine aıryqsha mán berilip otyrǵanyna óz basym erekshe qýanyp otyrmyn», dedi depýtat.
Bul rette keńes múshesi, Ulttyq ǵylym akademııasynyń akademıgi Hankeldi Ábjanov mańyzdy qujatta kórinis tapqan ult saýlyǵy máselesine mán berdi. «Elimizde dáriger mamannyń tapshylyǵyn kórip otyrǵan eldi mekender bar. Kemi 500 adam turyp jatqan aýyldyq jerlerde mindetti túrde dáriger bolýy kerek», dedi akademık.
О́z kezeginde, keńes tóraǵasy Qaragóz Súleımenova jańa saıası tuǵyrnama partııa músheleri, sarapshylar, ǵylymı jáne shyǵarmashylyq zııaly qaýym ókilderi, belsendi azamattar birlese talqylaǵan pikirtalastyń nátıjesinde paıda bolǵanyn jetkizdi.
«Partııa árqashan qoǵamdyq-saıası prosesterdiń bel ortasynan tabylady. Munda túrli pikir men kózqarasqa oryn bar. Sondyqtan tuǵyrnamany ázirlegen jumys toby partııa músheleri joldaǵan myńnan astam usynysty nazarǵa aldy», dep Qaragóz Súleımenova otyrysty qorytyndylady.
